মৰাণ, 14 অক্টোবৰ : ৰাজ্যত কোনো ধৰণৰ বিদ্যুৎ নাটনি নহয় । বিদ্যুতক লৈ সৃষ্টি হোৱা সমস্যাৰ সমাধান কৰিছে ৰাজ্যৰ শক্তি বিভাগে । এই মন্তব্য ৰাজ্যৰ শক্তিমন্ত্ৰী বিমল বৰাৰ ৷ অষ্টমী পূজাৰ সন্ধিয়া মৰাণ চহৰৰ মাজমজিয়াস্থিত দুৰ্গা পূজাৰ সমন্বয়ৰক্ষী কাৰ্যালয়ত উপস্থিত হৈ এই কথা সদৰী কৰে মন্ত্ৰীগৰাকীয়ে ৷
দুৰ্গা পূজাৰ সমন্বয়ৰক্ষী কাৰ্যালয়ত মন্ত্ৰীগৰাকীয়ে মৰাণৰ সামগ্ৰিক পৰিস্থিতিৰ বুজ লয় । তেওঁ সপৰিয়ালে মৰাণৰ শিৱ মন্দিৰৰ দুৰ্গা পূজাৰ লগতে বহুকেইখন পূজাস্থলীত সেৱা লৈ ৰাজ্যবাসীৰ মংগল কামনা কৰে ।
পূজাৰ দিনকেইটাত যাতে অসমৰ ৰাইজে বিদ্যুৎ সমস্যাত নপৰে তাৰ বাবে ৰাজ্যৰ বিদ্যুৎ বিভাগে অধিক ধন খৰচ কৰি বিভিন্ন কোম্পানীৰ পৰা বিদ্যুৎ ক্ৰয় কৰিছে বুলি জানিবলৈ দিয়ে মন্ত্ৰীগৰাকীয়ে । তেওঁ লগতে পূজাৰ দিনকেইটাত বিদ্যুৎ বিভাগে ১৫ কোটিৰ পৰা ১৮ কোটি টকা অধিক খৰচ কৰিবলগীয়া হৈছে বুলি উল্লেখ কৰে ।
লগতে পঢ়ক : মাস্ক পৰিধান কৰি দেৱীৰ আশীষ ল’লে বৰপথাৰৰ ধৰ্মপ্ৰাণ ৰাইজে
