মৰাণ, 17 এপ্ৰিল : অসমীয়া নৱবৰ্ষৰ প্ৰথম দিনাই এক ব্যতিক্ৰমী পদক্ষেপেৰে ৰাইজৰ কাষত থিয় দিলে অসম জাতীয় পৰিষদ । নাহৰকটীয়াৰ ২ নং ঘুৰণীয়াৰ ভাটিবিল গাঁৱৰ এটি দৰিদ্ৰ পৰিয়ালৰ কাষত সকাহ হৈ থিয় দিলে লুৰীণ জ্যোতি গগৈয়ে । ৰ'দ-বৰষুণক প্ৰত্যাহ্বান জনাই এটা জৰাজীৰ্ণ বাসগৃহত দুটি সন্তানসহ সন্তোষ গোৱালাৰ পৰিয়ালটোৱে বসবাস কৰি আহিছিল । দিন হাজিৰা কৰা সন্তোষৰ সামৰ্থ নাছিল ঘৰটো পুনৰ নিৰ্মাণ কৰাৰ । কিন্তু কোনো চৰকাৰী অভিলাষী আঁচনিয়ে ঢুকি নোপোৱা পৰিয়ালটোৰ কাষত ৰঙালীৰ ৰং হৈ উপস্থিত হ'ল লুৰীণ জ্যোতি গগৈ আৰু অসম জাতীয় পৰিষদৰ সদস্যসকল ।
বৃহস্পতিবাৰে অসম জাতীয় পৰিষদৰ নাহৰকটীয়াৰ সদস্য সকলে মিলি বাঁহ, বেত, টিনপাত যোগাৰ কৰাৰ লগতে সকলোৱে শ্ৰমদান কৰি সন্তোষৰ পৰিয়ালটোক সাজি দিলে এখনি নতুন ঘৰ । অসম জাতীয় পৰিষদৰ এই পদক্ষেপৰ শলাগ লৈছে ৰাইজে ৷
লগতে পঢ়ক: কৰ’ণাত আক্ৰান্ত কেন্দ্ৰীয় মন্ত্ৰী প্ৰকাশ জাভেদকাৰ
