ডিব্ৰুগড়, 7 মাৰ্চঃ ডিব্ৰুগড় কেন্দ্ৰীয় কাৰাগাৰৰ ভিতৰতে গুৰুতৰভাৱে অসুস্থ হৈ পৰে কৃষক মুক্তি সংগ্ৰাম সমিতিৰ যুটীয়া সম্পাদক । ততাতৈয়াকৈ ভৰ্ত্তি কৰা হয় অসম চিকিৎসা মহাবিদ্যালয়ত ।
কৃষক মুক্তি সংগ্ৰাম সমিতিৰ ডিব্ৰুগড় জিলাৰ যুটীয়া সম্পাদক শশী সেনচোৱা ডিব্ৰুগড় কেন্দ্ৰীয় কাৰাগাৰৰ ভিতৰতে গুৰুতৰ ভাৱে অসুস্থ হৈ পৰে । ততাতৈয়াকৈ তেওঁক ভৰ্ত্তি কৰা হয় অসম চিকিৎসা মহাবিদ্যালয়ত । 'কা' বিৰোধী আন্দোলনত জড়িত থকাৰ অপৰাধত গ্ৰেপ্তাৰ কৰিছিল কৃষক মুক্তিৰ নেতা জনক । দীৰ্ঘদিনৰ পৰা অসুস্থ হৈ থকা শশী সেনচোৱাৰ বিশেষ চিকিৎসা প্ৰদান কৰা নাছিল বুলি সংগঠনটোৰ সদস্য সকলে অভিযোগ কৰে কাৰাগাৰ কৰ্তৃপক্ষৰ বিৰুদ্ধে । যোৱা ১৮ জানুৱাৰীত গ্ৰেপ্তাৰ হৈছিল শশী সেনচোৱা ।
