ডিব্ৰুগড়, ২ নৱেম্বৰ: মেছেজিং এপ টেক্স ডট কম (Texts.Com) নিৰ্মাণ কৰি সমগ্ৰ বিশ্বতে চৰ্চিত হৈছে ডিব্ৰুগড়ৰ কিষাণ বাগাৰীয়া । কিষাণ বাগাৰীয়াই নিজৰ কাৰিকৰী কৌশলেৰে নিৰ্মাণ কৰা এই বিশেষ এপটোক লৈ সমগ্ৰ বিশ্বতে উজলি উঠিছে । আমেৰিকাৰ কোম্পানীত কৰ্মৰত অৱস্থাত নিৰ্মাণ কৰা এই এপটো বিশ্বৰ প্ৰতিষ্ঠিত ৱেব প্ৰতিষ্ঠান অট’মেটিক কোম্পানীয়ে ক্ৰয় কৰিলে ডিব্ৰুগড়ৰ সন্তান কিষাণৰ পৰা ৷
জানিব পৰা অনুসৰি যুৱকজনে প্ৰস্তুত কৰা টেক্সট ডট কমক (Texts.Com) এপটো বিক্ৰী হৈছে ৫০ নিযুত মাৰ্কিন ডলাৰ অৰ্থাৎ ভাৰতীয় টকাৰ মূল্য ৪১৬ কোটি । ডিব্ৰুগড় চহৰৰ থানা চাৰিআলিৰ নিবাসী ব্যৱসায়ী মহেন্দ্ৰ বাগাৰীয়া আৰু নবীতা বাগাৰীয়াৰ জ্যেষ্ঠ পুত্ৰ কিষাণ বাগাৰীয়াই অট’মেটিক কোম্পানীৰ মুখ্য কাৰ্যবাহী বিষয়া মোলেন ৱে'গৰ সৈতে এক বুজাবুজি চুক্তিত স্বাক্ষৰ কৰিছে ৷ এতিয়াৰে পৰা এই টেক্সট ডট কমৰ পৰিচালনাৰ দায়িত্বত থাকিব কিষাণ বাগাৰীয়া নিজেই ।
-
excited to announce https://t.co/VnglkebPRv is now part of @Automattic (the company behind @WordPressDotCom @Tumblr @DayOneApp @PocketCasts @WooCommerce)
— Kishan Bagaria (@KishanBagaria) October 24, 2023 " class="align-text-top noRightClick twitterSection" data="
if you’re a user, nothing changes for you. expect more features and mobile apps sooner pic.twitter.com/bu6x7cFv58
">excited to announce https://t.co/VnglkebPRv is now part of @Automattic (the company behind @WordPressDotCom @Tumblr @DayOneApp @PocketCasts @WooCommerce)
— Kishan Bagaria (@KishanBagaria) October 24, 2023
if you’re a user, nothing changes for you. expect more features and mobile apps sooner pic.twitter.com/bu6x7cFv58excited to announce https://t.co/VnglkebPRv is now part of @Automattic (the company behind @WordPressDotCom @Tumblr @DayOneApp @PocketCasts @WooCommerce)
— Kishan Bagaria (@KishanBagaria) October 24, 2023
if you’re a user, nothing changes for you. expect more features and mobile apps sooner pic.twitter.com/bu6x7cFv58
কিষাণ বাগাৰীয়াই নিৰ্মাণ কৰা টেক্সট ডট কমত ইনষ্টাগ্ৰাম, টুইটাৰ, মেছেঞ্জাৰ, হোৱাটচ আপ আদিৰ দৰে জনপ্ৰিয় সামাজিক মাধ্যমৰ এপসমূহ একেখন প্লেটফৰ্মতে উপলব্ধ কৰা হৈছে । এই সফলতাৰ পাচত প্ৰায় ৯ মাহৰ অন্তত আমেৰিকাৰ পৰা ডিব্ৰুগড়ত উপস্থিত হয় কিষাণ বাগাৰীয়া । ডিব্ৰুগড়ৰ মোহনবাৰী বিমানবন্দৰত কিষাণক উষ্ম আদৰণি জনাই পৰিয়ালৰ লগতে বন্ধু-বান্ধৱীসকলে ।
আমেৰিকাৰ পৰা ডিব্ৰুগড়ত উপস্থিত হোৱা কিষাণ বাগাৰিয়াই এয়া তেওঁৰ কষ্ট তথা সাধনাৰ ফলৰ লগতে ভগৱান আৰু পিতৃ-মাতৃৰ আৰ্শীবাদ বুলি উল্লেখ কৰে । আনহাতে কিষাণ বাগাৰীয়াৰ পিতৃয়ে কয়, তেওঁ সৰুৰে পৰা এইক্ষেত্ৰত আগবঢ়া আছিল । মুঠৰ ওপৰত টেক্সট ডট কমৰ জৰিয়তে সমগ্ৰ বিশ্বতে চৰ্চা লাভ কৰিছে ডিব্ৰুগড়ৰ কিষাণ বাগাৰীয়াই ।
লগতে পঢ়ক: Diwali 2023 : সমাগত দীপাৱলী; মাটিৰ চাকি নিৰ্মাণত ব্যস্ত দুইনৈমুখ কুমাৰ গাঁৱৰ মৃৎ শিল্পীসকল
