ডিব্ৰুগড়, 21 এপ্ৰিল : এফালে ব'হাগৰ বতৰ আনফালে ক'ৰণা মহামাৰী সংহাৰ ৷ তাৰ মাজতে ডিব্ৰুগড়ত দেখিবলৈ পোৱা গ'ল এক ব্যতিক্ৰমী দৃশ্য ৷ কৰ্ম ব্যস্ততাৰ পৰা অলপ সময় আঁতৰি ৰাইজৰ মাজত জুৰিলে হুঁচৰি ৷ দৈনিক ন ন তথ্যৰে ৰাজ্য তথা দেশবাসীক প্ৰতিটো মূহূৰ্তৰ বতৰা দি থকা সংবাদকৰ্মী সকলে কৰ্ম ব্যস্ততাৰ মাজতে জুৰিছে হুঁচৰি ৷ অসমীয়া জাতীয় জীৱনৰ পৰম্পৰা ৰক্ষাৰ উদ্দেশ্যে গৃহস্থৰ কুশল মংগল কামনা কৰি ৰাইজৰ পদূলিত জুৰিলে হুঁচৰি ৷
উল্লেখ্য যে, সাংবাদিকসকলে গৃহস্থৰ কুশল-মংগল কামনাৰে আশীৰ্বাদ কৰি পোৱা মাননীৰ এটা অংশ ব্যৱহাৰ কৰে কিছু শুভ কামত । কৰ্মৰত সাংবাদিকৰ অপায়-অমংগলৰ সময়ত এই মাননীৰ পৰা কিছু অংশ দূৰ্গত সাংবাদিক বা তেওঁৰ পৰিয়ালক সহায় হিচাপে আগবঢ়াই উপকৃত কৰাৰ বাবে সঞ্চয় কৰি ৰাখে ৷ লক্ষ্যণীয়ভাৱে ডিব্ৰুগড়ৰ এইসকল সাংবাদিকৰ এই মহৎ কাৰ্যই ৰাজ্যৰ সংবাদ ক্ষেত্ৰখনতো এক প্ৰকাৰ নজিৰ সৃষ্টি কৰিবলৈ সক্ষম হৈছে ৷
লগতে পঢ়ক: টীয়কত চেৰা বিহু উদযাপন
