ডিব্ৰুগড়, 9 জানুৱাৰীঃ ডিব্ৰুগড়ৰ চাবুৱাত সংঘটিত হয় শিহৰণকাৰী ঘটনা ৷ আৰ্চাৰীৰ অনুশীলনৰ সময়তে শৰবিদ্ধ হয় 12 বছৰীয়া আৰ্চাৰী খেলুৱৈ শিৱাঙ্গিনী গোহাঁই ৷ চাবুৱা দেওধাই গাঁৱৰ বিৰিঞ্চি গোহাঁইৰ কণ্যা শিৱাঙ্গিনী বুধবাৰে চাবুৱাত আগন্তুক খেলো ইণ্ডিয়াৰ বাবে অনুশীলন কৰি থকাৰ সময়তে ডিঙিত সোমাই পৰে শৰপাত ৷ যাৰ ফলত শৰ পাতে ডিঙি ভেদি গৈ কামিহাড়ত স্পৰ্শ কৰে খেলুৱৈগৰাকীৰ ৷
শেহতীয়াকৈ অন্ধ্ৰ প্ৰদেশত খেলি অহা শিৱাঙ্গিনীক সংকটজনক অৱস্থাত ডিব্ৰুগড়ৰ ব্ৰহ্মপুত্ৰ হাস্পতালত চিকিৎসাধীন হৈ আছে ৷ বুধবাৰে খেলুৱৈগৰাকীৰ অস্ত্ৰোপচাৰ কৰা হয় যদিও স্পাইনেলৰ কাষত জটিল অৱস্থাৰে শৰপাতে ভেদি যোৱাৰ বাবে চিকিৎসকৰ দলটোৱে কামিহাড়ত সোমাই থকা শৰপাত ওলোৱাৰ কঠিন সিদ্ধান্ত ন'লৈ উন্নত চিকিৎসাৰ পৰামৰ্শ আগবঢ়ায় ৷
চিকিৎসকৰ দল ক্ৰমে ডাঃ বিকাশ আগৰৱালা, ডাঃ মনিস সিং, ডাঃ প্ৰকাশ মহেশ্বৰীয়ে দিল্লীৰ গঙ্গাৰাম বা কয়ম্বদোৰৰ স্পাইনৰ আন্তঃৰাষ্ট্ৰীয় পৰ্যায়ৰ চিকিৎসা উপলব্ধ চিকিৎসালয় দুখনলৈ লৈ যোৱাৰ পৰামৰ্শ আগবঢ়ায় । উল্লেখ্য যে, ব্ৰহ্মপুত্ৰ হাস্পতাল কৰ্তৃপক্ষই অস্ত্ৰোপচাৰৰ সমগ্ৰ খৰচ ইতিমধ্যে ৰেহাই দিছে দুখীয়া পৰিয়ালটোক । ইফালে ৰাজ্যৰ ক্ৰীড়াৰ পৰিৱৰ্তনৰ উদেশ্য খেল' ইণ্ডিয়াৰ দৰে ক্ৰীড়াৰ আয়োজন কৰাৰ সময়ত উৰিষ্যাকে ধৰি দেশৰ বিভিন্ন প্ৰান্তত আৰ্চাৰী প্ৰতিযোগিতাত অংশগ্ৰহণ কৰা এই খেলুৱৈগৰাকীৰ এনে অৱস্থাই বিশেষ তাৎপৰ্য বহন কৰিছে ৷ আনহাতে, খেলুৱৈগৰাকীৰ পিতৃয়ে সদৌ অসমবাসীৰ লগতে সংবাদ মাধ্যম আৰু মুখ্যমন্ত্ৰীক ধন্যবাদ জ্ঞাপন কৰে ৷ খেলুৱৈগৰাকী এইমছলৈ লৈ যোৱা সহায়ৰ হাত আগবঢ়োৱা বাবেই মুখ্যমন্ত্ৰী ধন্যবাদ জনায় পিতৃ বিৰিঞ্চি গোহাঁইয়ে ৷
লগতে পঢ়কঃআৰৱীয় অঞ্চলত ভাৰতবৰ্ষৰ প্ৰত্যাহ্বান
