মৰাণ,3 ফেব্ৰুৱাৰীঃ চাবুৱা আঞ্চলিক ছাত্ৰ সন্থাৰ উপ-সভাপতি আৰু CAA আন্দোলনৰ সক্ৰিয় নেতা প্ৰয়াত গুনীন বৰুৱাৰ বাসগৃহত সদৌ ডিব্ৰুগড় জিলা ছাত্ৰ সন্থাৰ বিষয়ববীয়া সকল উপস্থিত হৈ শোকসন্তপ্ত পৰিয়ালবৰ্গক সমবেদনা জ্ঞাপন কৰে । লগতে ছাত্ৰ নেতাজনৰ অবৰ্তমানত পৰিয়ালটোক সকলো ধৰণৰ সহায় কৰি যোৱাৰ প্ৰতিশ্ৰুতি দিয়ে জিলা নেতৃত্বই । আছু কৰ্মী সকলে কয়- গুনীন বৰুৱাৰ দৰে উদ্যমী, নিষ্ঠাৱান যুৱকৰ বিয়োগ অঞ্চলটোৰ বাবেই এক বৃহৎ অপুৰণীয় ক্ষতি । এনে এজন ছাত্ৰ কৰ্মীৰ মৃত্যুত মৰ্মাহত হৈছোঁ ৷ গুনীন আমাৰ মাজত, আমাৰ হৃদয়ত সদায় থাকিব ৷
উল্লেখযোগ্য যে, ২৭ জানুৱাৰী তাৰিখে এক জটিল ৰোগত আক্ৰান্ত হৈ CAA বিৰোধী আন্দোলনত সৱল নেতৃত্ব বহন কৰা চাবুৱা আঞ্চলিক ছাত্র সন্থাৰ উপ-সভাপতি গুনীন বৰুৱাই শেষ নিশ্বাস ত্যাগ কৰিছিল ।
লগতে পঢ়কঃ নাহৰকটীয়াত ভোটগ্ৰহণ কেন্দ্ৰ পৰিদৰ্শন ডিব্ৰুগড় জিলা উপায়ুক্তৰ
