মৰাণ,17 মে': দেওবাৰে মৰাণৰ দিৰৈ ঘাটতত উদ্ধাৰ হৈছে এগৰাকী 10 বছৰীয়া ছাত্ৰীৰ মৃতদেহ ৷ মৃতদেহ উদ্ধাৰৰ পাচতে অঞ্চলটোত তীব্ৰ চাঞ্চল্যৰ সৃষ্টি হয় ৷ আৰক্ষীৰ উপস্থিতিত স্থানীয় লোকে মৃতদেহটো পানীত উপঙি থকা অৱস্থাত প্ৰত্যক্ষ কৰি উদ্ধাৰ কৰে ৷
উল্লেখ্য যে, মৃতদেহটো চৰাইদেউ জিলাৰ মৰাণহাট আৰক্ষী থানাৰ অন্তৰ্গত হিংৰিজান তেলবাৰী লাইনৰ কিৰণ ঘাটোৱাৰৰ কন্যা পঞ্চম শ্ৰেণীত অধ্যয়নৰত মহিমা ঘাটোৱাৰ বুলি জানিব পৰা গৈছে ৷ ছাত্ৰীগৰাকী 14 মে'ৰ পৰা সন্ধানহীন হৈ আছিল । কিন্তু দেওবাৰে মৃতদেহ উদ্ধাৰ হোৱাত আৰক্ষীয়ে মৃতদেহটো মৰণোত্তৰ পৰীক্ষাৰ বাবে প্ৰেৰণ কৰিছে ৷
