নাহৰকটীয়া,২৭ মে':অসমত উদ্বেগজনকভাৱে বৃদ্ধি পোৱা কৰ'ণা সংক্ৰমণৰ মাজতে অসমৰ মুখ্যমন্ত্ৰীয়ে শেহতীয়াকৈ ৰাইজক মুখ্যমন্ত্ৰীৰ আৰোগ্য নিধি আৰু সাহাৰ্য পুঁজিলৈ দান বৰঙণিৰ বাবে আহ্বান জনাইছিল । সেই আহ্বানৰ প্ৰতি সঁহাৰি জনাই অসম পেট্ৰ'-কেমিকেলচ লিমিটেড কৰ্তৃপক্ষই বুধবাৰে ১ কোটি টকাৰ বৰঙণি আগবঢ়াই ।
জনতা ভৱনত অসম পেট্ৰ'-কেমিকেলচ লিমিটেড কৰ্তৃপক্ষই মুখ্যমন্ত্ৰীৰ হাতত অৰ্পন কৰে ১ কোটি টকাৰ চেক । এ.পি.এলৰ অধ্যক্ষ বিকুল চন্দ্ৰ ডেকা, পৰিচালন সঞ্চালক অতুল চন্দ্ৰ বৰ্মন, বিত্ত সঞ্চালক কে.এ. মুৰুলী আৰু কোম্পানীৰ সচিব উত্তম বাইলুঙ উপস্থিত হৈ মুখ্যমন্ত্ৰী ড৹ হিমন্ত বিশ্ব শৰ্মাৰ হাতত অৰ্পণ কৰে চেকখন ।
উদ্যোগ মন্ত্ৰী চন্দ্ৰ মোহন পাটোৱাৰী, নাহৰকটীয়া সমষ্টিৰ বিধায়ক তৰংগ গগৈ আৰু অসম চৰকাৰৰ উদ্যোগ আৰু বাণিজ্য বিভাগৰ প্ৰধান সচিব ড৹ কে.কে. দ্বিবেডীৰ উপস্থিতিত উক্ত ধনৰাশিৰ চেক প্ৰদান কৰে ৷
লগতে পঢ়ক: ডবকাৰ টোলগেটত উত্তপ্ত পৰিস্থিতি
