মৰাণ, ২৪ নৱেম্বৰ: অসমবাসী ৰাইজক শোক সাগৰত পেলাই চিৰবিদায় মাগিলে জ্যেষ্ঠ ৰাজনীতিবিদ তৰুণ গগৈয়ে। ডিব্ৰুগড়ৰ মৰাণত প্ৰাক্তন মুখ্যমন্ত্ৰীগৰাকীলৈ শ্ৰদ্ধা নিবেদন কৰে অসম চাহ মজদুৰ সংঘই । সৰল ব্যক্তিত্বৰে ৰাজ্যৰ সকলো শ্ৰেণীৰ লোকৰ হৃদয় জয় কৰিবলৈ সক্ষম হোৱা নেতাগৰাকীৰ মৃত্যুৱে গভীৰ শোকৰ ছাঁ পেলাইছে মৰাণত ।
অসম চাহ মজদুৰ সংঘ কাৰ্যালয়ত আয়োজন কৰা শোকসভাত শাখা সংঘৰ সভাপতি মনোজ তাঁতীৰ উপস্থিতিত অন্যান্য বিষয়ববীয়া, সম্পাদক লক্ষেশ্বৰ তাঁতী আৰু কৰ্মী বৃন্দই প্ৰয়াত প্ৰাক্তন মুখ্যমন্ত্ৰীগৰাকীলৈ শ্ৰদ্ধাঞ্জলি জনায় ।
প্ৰয়াত নেতাগৰাকীৰ প্ৰতিচ্ছবিৰ সন্মুখত ধূপ-চাকি জ্বলাই তেওঁৰ আত্মাৰ সদগতি কামনা কৰি এক মিনিট সময় মৌন প্ৰাৰ্থনা কৰে সংঘৰ কৰ্মকৰ্তাই । প্ৰাক্তন মুখ্যমন্ত্ৰী গৰাকীৰ মৃত্যু অসমৰ ৰাজনৈতিক ক্ষেত্ৰখনৰ বাবে এক অপূৰণীয় ক্ষতি ।
লগতে পঢ়ক:মৰাণত সদৌ অসম ছাত্ৰ সন্থাৰ নৱ নিৰ্বাচিত নেতৃত্বক সম্বৰ্ধনা
