মৰাণ, 22 ডিচেম্বৰ : প্ৰতিশ্ৰুতি কেঞ্চাৰ এণ্ড পেলিয়েটিভ ট্ৰাষ্টৰ তৃতীয় বাৰ্ষিক প্ৰতিষ্ঠা দিৱস দিনজোৰা কাৰ্যসূচীৰে ডিব্ৰুগড় কানৈ কলেজৰ প্ৰেক্ষাগৃহত অনুষ্ঠিত হয় । অনুষ্ঠানত প্ৰতিদিন টাইমৰ মুখ্য সম্পাদক নিতুমণি শইকীয়াই মুখ্য অতিথি ৰূপে উপস্থিত থকাৰ লগতে প্ৰতিশ্ৰুতিৰ লাইভ এম্বেচেদৰ অভিনেত্ৰী বৰষাৰাণী বিষয়া, ডাঃ গায়ত্ৰী গগৈ উপস্থিত থাকে ।
উল্লেখ্য যে, বিগত তিনি বছৰ ধৰি কেঞ্চাৰ ৰোগী সকলক বিভিন্ন প্ৰকাৰে সেৱা আগবঢ়াই আহিছে প্ৰতিশ্ৰুতি নামৰ সংস্থাটোৱে । কেঞ্চাৰৰ ৰোগত আক্ৰান্ত হোৱা ৰোগী সকলৰ চিকিৎসাৰ লগতে মানসিকভাৱে সৱল কৰি ৰাখিবলৈ বিগত তিনিটা বছৰে এই সংস্থাটোৱে বিশেষভাৱে সেৱা আগবঢ়াই আহিছে ।
উক্ত অনুষ্ঠানত ডঃ অৰুণ ডেকাক আৰু AMCHৰ অধ্যক্ষ ডঃ সঞ্জীৱ কাকতিক ডঃ প্ৰহ্লাদ কুমাৰ বৰুৱা সোঁৱৰণি বঁটা প্ৰদান কৰা হয় ৷ আনহাতে শিশু কেঞ্চাৰ ৰোগী সকলক বিশেষ সেৱা আগবঢ়োৱাৰ বাবে মাকন বালা দত্তক শিশু ট্ৰাষ্টক অস্বীনি চৰণ চৌধুৰী বঁটা প্ৰদান কৰা হয় ৷
লগতে পঢ়ক:চিৰাঙৰ হাতী-মানুহৰ সমস্যাক লৈ ডব্লিউ ডব্লিউ এফৰ প্ৰতিক্ৰিয়া
