চাপৰত কাঠ ভৰ্তি ট্ৰাক জব্দ

পূৱ বিলাসীপাৰাৰ চাপৰত জব্দ চোৰাং কাঠ ভৰ্তি ট্ৰাক । মেঘালয়ৰ পৰা ধুবুৰী অভিমুখে গৈ থকা অৱস্থাত চাপৰ আৰক্ষীৰ নিয়মীয়া তালাচীত জব্দ হয় চোৰাং কাঠ ভৰ্তি ট্ৰাকখন ।

পূৱ বিলাসীপাৰা, ৮ মে': ৰাজ্যত অব্যাহত আছে চোৰাং কাঠৰ ৰমৰমীয়া বেহা । ধুবুৰীৰ পূৱ বিলাসীপাৰাৰ চাপৰ আৰক্ষীৰ নিয়মীয়া তালাচী অভিযানত জব্দ হয় AS ২৫EC ০৬২৫ নম্বৰৰ এখন কাঠ ভৰ্তি ট্ৰাক । ঘটনা সন্দৰ্ভত চাপৰ আৰক্ষীৰ ভাৰপ্ৰাপ্ত বিষয়া প্ৰণৱ দলেয়ে জানিবলৈ দিয়া মতে মেঘালয়ৰ পৰা ধুবুৰী অভিমুখে গৈ থকা অৱস্থাত চাপৰ আৰক্ষীৰ নিয়মীয়া তালাচীত জব্দ হয় চোৰাং কাঠ ভৰ্তি ট্ৰাকখন ।

উল্লেখ্য যে, চোৰাং কাঠ ভৰ্তি ট্ৰাকখন বহলপুৰ আঞ্চলিক বন বিষয়াৰ কাৰ্যালয়ৰ সন্মুখেৰে নিৰ্বিঘ্নে বেহা চলাই আহিছিল যদিও বহলপুৰ আঞ্চলিক বন বিষয়াৰ কাৰ্যালয়ৰ কোনো এজন কৰ্মচাৰীয়ে আজিলৈকে সাৰ নাপালে । ইয়াকে লৈ চাপৰৰ জনসাধাৰণৰ মাজত সৃষ্টি হৈছে এক কৌতুহলৰ । স্বাভাৱিকতে ৰাইজৰ মনত প্ৰশ্ন হৈছে যে বহলপুৰ আঞ্চলিক বন বিষয়াৰ ছত্ৰ ছায়াতে চলি আছে নেকি অবৈধ বেহা ? ইতিমধ্যে চাপৰ আৰক্ষীয়ে ট্ৰাকখন বহলপুৰ আঞ্চলিক বন বিভাগক গতাই দিয়ে। উক্ত কাঠখিনিৰ বজাৰ মূল্য কেইবা লাখ টকা বুলি জানিব পৰা গৈছে ।

লগতে পঢ়ক: কলিয়াবৰত একেটা দিনতে ২৫ জন কৰ'ণাত আক্ৰান্ত