গোলকগঞ্জ, 6 ছেপ্টেম্বৰ : গোলকগঞ্জত বাংলাদেশলৈ চালান দিবলৈ অনা গৰু জব্দ ৷ গোলকগঞ্জৰ ছাগলীয়াত জব্দ হৈছে ২৩টা গৰু ৷ AS 01 K KC নম্বৰৰ ট্ৰাকখনেৰে বাংলাদেশলৈ চালান দিবলৈ বহিঃৰাজ্য পৰা আনিছিল গৰুসমূহ ৷ ইয়াৰ লগতে আটক হৈছে তিনি চোৰাং বেপাৰী ৷ আটকাধীন ছয়গাঁৱৰ পৰাণ আলি, কয়াব আলি আৰু বকোৰ জিয়াৰুল খান ৷ ছাগলীয়া আৰক্ষীৰ নিয়মীয়া তালাচীত আটক ট্ৰাক খন ৷
উল্লেখ্য যে, বিভিন্ন সময়ত ধুবুৰী আৰক্ষীয়ে অভিযান চলায় জব্দ কৰিবলৈ সক্ষম হৈছে বাংলাদেশলৈ চালান দিবলৈ অনা চোৰাং গৰু, ম’হ ৷ কিন্তু তাৰ পাচতো অবাধ গতিত চোৰাং গৰু ব্যৱসায়ী চক্ৰই অব্যাহত ৰাখিছে সীমান্তৰে গৰুৰ চোৰাং ব্যৱসায় ৷
লগতে পঢ়ক : গোৱালপাৰাত প্ৰধানমন্ত্ৰী আৱাস যোজনাৰ নামত লুণ্ঠনৰ অভিযোগ
