বিলাসীপাৰা, 6 ছেপ্টেম্বৰ : কৃষক নেতা অখিল গগৈৰ মুক্তিৰ দাবীত বিলাসীপাৰাৰ বেলতলীত ছাত্ৰ মুক্তি সংগ্ৰাম সমিতিয়ে শনিবাৰে বিতৰণ কৰিলে প্ৰচাৰ পত্ৰিকা । বেলতলীৰ বিভিন্ন দোকান-পোহাৰ, বাইক আৰোহী মাজত প্ৰচাৰ পত্ৰিকা বিতৰণ কৰি সমিতিয়ে অখিল গগৈৰ মুক্তিৰ দাবীৰে সৰ্বস্তৰৰ জনতাক প্ৰতিবাদ সাব্যস্ত কৰিবলৈ জনালে আহ্বান ।
উল্লেখ্য যে, নাগৰিকত্ব সংশোধনী আইন বাতিলৰ দাবীত প্ৰতিবাদ সাব্যস্ত কৰি চলিত বৰ্ষৰ জানুৱাৰী মাহৰ পৰা কাৰাবন্দী হৈ আছে কৃষক নেতা অখিল গগৈ । চৰকাৰে অখিল গগৈৰ প্ৰতিবাদী সত্ত্বাক ভয় কৰে আৰু তেওঁক কাৰাৰুদ্ধ কৰি ৰাখি 2021 ৰ সাধাৰণ নিৰ্বাচনৰ বৈতৰণী পাৰ কৰিব বিচাৰিছে বুলি সমিতিয়ে উল্লেখ কৰে ৷ লগতে অখিল গগৈক মুক্তি নিদিয়া পৰ্যন্ত প্ৰতিবাদ অব্যাহত ৰখাৰ হুংকাৰ দিয়ে ছাত্ৰ মুক্তিৰ বিলাসীপাৰা সমিতিয়ে ৷
লগতে পঢ়ক : বিটিআৰ চুক্তিৰ আধাৰত মুকলি হ'ল বড়ো মাধ্যমৰ পৃথক শিক্ষা সঞ্চালকালয়
