ধুবুৰী,5মে': শনিবাৰে পুৱতি নিশা প্ৰায় বিশ পঁচিশ জনীয়া গৰুৰ চোৰাং চক্ৰৰ এটা দলে আলগা সীমান্তৰে পাৰ কৰাবলৈ চেষ্টা কৰিছিল বৃহৎসংখ্যক গৰু৷ তেনে সময়তে বি এছ এফে আঠটাকৈ চোৰাং গৰু জব্দ কৰে । এনে সময়তে বি এছ এফলৈ গৰুৰ চোৰাং চক্ৰৰ দলটোৱে শিলগুটি নিক্ষেপ কৰাৰ লগতে চোকা অস্ত্ৰৰে আক্ৰমণৰ কৰে ৷ ফলত BSFৰ হেড কনিষ্টবল পি বালাচান্দ পাটিল গুৰুতৰভাৱে আঘাতপ্ৰাপ্ত হয় ।
সীমান্তত গৰুৰ চোৰাং বেহা
শূন্যলৈ গুলী চলাইহে কথমপি ৰক্ষা পৰে বি এছ এফৰ দলটো ৷ উল্লেখ্য যে দীৰ্ঘদিনৰ পৰা ধুবুৰীৰ ভাৰত-বাংলাদেশ সীমান্তৰে অব্যাহত আছে চোৰাং গৰুৰ অবাধ সৰবৰাহ ৷ প্ৰশ্ন উঠিছে কাৰ আশীৰ্বাদত বলীয়ান হৈ চক্ৰটোৱে অব্যাহত ৰাখিছে বাংলাদেশলৈ গৰুৰ অবৈধ চালান ৷
