অখিল গগৈৰ মুক্তিৰ দাবীত পূৱ বিলাসীপাৰাত মানৱ শৃংখল কাৰ্যসূচী

অখিল গগৈৰ মুক্তিৰ দাবীত পূৱ বিলাসীপাৰাৰ চাপৰৰ ফলিমাৰীত কৃষক মুক্তি আৰু ছাত্ৰ মুক্তি সংগ্ৰাম সমিতিৰ মানৱ শৃংখল কাৰ্যসূচী ৷

পূৱ বিলাসীপাৰা, ২৬ জুলাইঃ কৰ'ণাৰ আৰু বানৰ সংহাৰৰ মাজতেই ৰাজ্যৰ প্ৰান্তে প্ৰান্তে বিভিন্ন দল সংগঠনে অখিল গগৈৰ মুক্তিৰ দাবীত ধাৰাবাহিক আন্দোলনৰ কাৰ্যসূচী গ্ৰহণ কৰি আহিছে ৷ কৃষক নেতা অখিল গগৈৰ মুক্তিৰ দাবীত দেওবাৰে পূৱ বিলাসীপাৰাৰ চাপৰত মানৱ-শৃংখল কাৰ্যসূচী গ্ৰহণ কৰে ৷ চাপৰ আঞ্চলিক কৃষক মুক্তি আৰু ছাত্ৰ মুক্তি সংগ্ৰাম সমিতিৰ উদ্যোগত আৰু ৰাইজৰ সহযোগত চাপৰৰ ফলিমাৰীত ৰূপায়ন কৰা হয় এই প্ৰতিবাদী কাৰ্যসূচী ৷ উক্ত কাৰ্যসূচীত ধুবুৰী জিলা কৃষক মুক্তি আৰু ছাত্ৰ মুক্তিৰ নেতা-কৰ্মী সকল উপস্থিত থাকে ৷

অখিল গগৈ জিন্দাবাদ আৰু লগতে চৰকাৰ বিৰোধী শ্লোগানেৰে মুখৰ হৈ পৰে প্ৰতিবাদী লোকসকল ৷ কৃষক নেতা অখিল গগৈক অতি শীঘ্ৰে মুকলি কৰি দিয়াৰ সজোৰে দাবী তোলে কৃষক মুক্তি আৰু ছাত্ৰ মুক্তি সংগ্ৰাম সমিতিয়ে ৷

লগতে পঢ়কঃঅখিল গগৈৰ মুক্তি আৰু CAA বাতিলৰ দাবীত লেজাইত প্ৰতিবাদ