বিলাসীপাৰাত বিদ্যুৎস্পৃষ্ট হৈ এজন লোকৰ মৃত্যু

ঘৰৰ টিনপাতত পৰি থকা বিদ্যুৎ পৰিবাহী তাঁৰত লাগি বিদ্যুৎস্পৃষ্ট হৈ শুকুৰবাৰে বিলাসীপাৰাৰ চিৰাকুটাত এগৰাকী লোকে মৃত্যুক সাৱটি লয় ৷

বিলাসীপাৰা,19 জুনঃ শুকুৰবাৰে বিলাসীপাৰাৰ চিৰাকুটাত বিদ্যুৎস্পৃষ্ট মৃত্যুক সাৱটি লয় এগৰাকী আৰ্থিকভাৱে দুৰ্বল পৰিয়ালৰ গাড়ী চালকে ৷ মৃত লোকজন চিৰাকুটা প্ৰথম খণ্ড গাঁৱৰ তাজিৰুল হক (36) বুলি জানিব পৰা গৈছে ৷ জানিব পৰা মতে, লোকজনৰ ঘৰৰ টিনপাতত বিদ্যুৎ পৰিবাহী তাঁৰ লাগি আছিল ৷ অজ্ঞাত বশতঃ যুৱকজনে ঘৰৰ টিনপাতত লাগি ধৰি বিদ্যুস্পৃষ্ট হয় ৷ বিদ্যুস্পৃষ্ট হৈ আহত হোৱা লোকজনক ততাতৈয়াকৈ বিলাসীপাৰা চৰকাৰী চিকিৎসালয়লৈ নিয়ে যদিও, চিকিৎসকে তেতিয়ালৈ লোকজনক মৃত ঘোষণা কৰে ৷

লগতে পঢ়কঃ বৰপেটাত 16 বস্তা চোৰাং চাউল জব্দ