পূৱ বিলাসীপাৰা, ১৭ এপ্ৰিল: ৰাজ্যত ক'ৰণাত আক্ৰান্ত হৈ পুনৰ এজন লোকৰ মৃত্যু হৈছে ৷ পূৱ বিলাসীপাৰাৰ চাপৰৰ লোকজনৰ নাম বাদল নাগ (৮০) বুলি জানিব পৰা হৈছে ৷ বাদল নাগৰ ঘৰ চাপৰৰ ৫ নং ৱাৰ্ডৰ নাগ পট্টিত ৷
জানিব পৰা মতে যোৱা ১৫ এপ্ৰিল তাৰিখে বঙাইগাঁৱৰ এখন ব্যক্তিগত চিকিৎসালয়ত হৃদ ৰোগৰ চিকিৎসা কৰিবলৈ গৈছিল মৃত বাদল নাগ ৷ সেই সময়তে ক'ভিড টেষ্টত বাদল নাগৰ দেহত ক'ৰণাৰ উপস্থিতি ধৰা পৰে ৷
ৰাজ্যত ক'ৰণা আক্ৰান্ত হৈ পুনৰ এজনৰ মৃত্যু
তাৎক্ষণিকভাৱে লোক জনক ধুবুৰী অসামৰিক চিকিৎসালয়লৈ নিয়া হয় যদিও চিকিৎসকে তেওঁক ৯ দিনৰ বাবে হোম কোৱাৰেন্টানৰ নিৰ্দেশ দিয়ে হোম কোৱাৰেন্টনত থকা অৱস্থাতে৷ শনিবাৰে পুৱা বাদল নাগৰ মৃত্যু হয় বুলি জানিবলৈ দিছে পৰিয়ালৰ লোকে ৷
