ধুবুৰী, 6 ফেব্ৰুৱাৰী : ৰাজ্যসভা নিৰ্বাচনলৈ এতিয়া ৰাজনৈতিক দলসমূহৰ মাজত বৃদ্ধি পাইছে তৎপৰতা(Rajya Sabha election 2022)। প্ৰাৰ্থী প্ৰক্ষেপকলৈ বিৰোধী দলৰ মাজত মতানৈক্য সৃষ্টি হোৱাও পৰিলক্ষিত হৈছে ৷ এনে সময়তে ৰাজ্যসভা নিৰ্বাচন লৈ মন্তব্য প্ৰকাশ কৰিছে এ আই ইউ ডি এফৰ প্ৰধান তথা ধুবুৰী সাংসদ বদৰুদ্দিন আজমলে(MP Ajmal comments on Rajya Sabha election) ৷ তেওঁ কয় যে "আমি সদায় কংগ্ৰেছক সমৰ্থন কৰি আহিছো, কিন্তু এইবাৰ আমাক লাগে ৷ আমি ১৫ টা নিদিলে কংগ্ৰেছে ২৫ টা দি একো কৰিব নোৱাৰে । কংগ্ৰেছৰ বিধায়কক ইনভেষ্টমেন কৰি ৰাখিছে মুখ্যমন্ত্ৰীয়ে ।"
ৰাজ্যসভা নিৰ্বাচনক লৈ ৰাজ্যৰ ৰাজনীতি গৰম হৈ থকাৰ সময়তে শাসক দলৰ সমান্তৰালকৈ বিৰোধী দলসমূহেও নিৰ্বাচনী অংক আৰম্ভ কৰিছে । ৰাজ্যৰ প্ৰধান বিৰোধী দল কংগ্ৰেছে এ আই ইউ ডি এফৰ সহায় লৈ ৰাজ্যসভালৈ এজন কংগ্ৰেছী প্ৰাৰ্থী জয়ী কৰোৱাৰ অংক মিলোৱাৰ সময়তে এ আই ইউ ডি এফে এইবেলি নিজৰ প্ৰাৰ্থী প্ৰক্ষেপ কৰি ওলোটাই বিচাৰিছে কংগ্ৰেছৰ সহযোগ তথা সমৰ্থন । তেনে সময়তে এই আই ইউ ডি এফৰ নিৰ্বাচনী তৎপৰতা প্ৰসংগত কংগ্ৰেছৰ একাংশ নেতাই বিভিন্ন সময়ত এ আই ইউ ডি এফক লৈ সমালোচনা কৰি আহিছে ।
শনিবাৰে ধুবুৰীৰ উপায়ুক্ত কাৰ্যালয়ত উপস্থিত হৈ সাংসদ আজমলে কংগ্ৰেছ নেতা কমলাক্ষ দে পুৰকায়স্থৰ মন্তব্য সন্দৰ্ভত প্ৰতিক্ৰিয়া প্ৰকাশ কৰি কয় যে, "কংগ্ৰেছৰ বিধায়কক ইনভেষ্টমেন কৰি ৰাখিছে মুখ্যমন্ত্ৰীয়ে । এ আই ইউ ডি এফত মুখ্যমন্ত্ৰীয়ে কোনো ইনভেষ্টমেন কৰা নাই ।" ইয়াৰ লগতে ৰাজ্যসভাত এইবাৰ এখন আসন লাভ কৰিব বুলি আশা প্ৰকাশ কৰে সাংসদ বদৰুদ্দিন আজমলে ৷
লগতে পঢ়ক : ৰাজ্যসভাৰ দুয়োখন আসনতে জয়ৰ দাবী মুখ্যমন্ত্ৰীৰ : প্ৰাৰ্থীকলৈ মতানৈক্য Congress-AIUDFৰ
