ধুবুৰী, ২৫ মে': পবিত্ৰ ঈদৰ দিনাই ধুবুৰীত অঘটন ৷ ধুবুৰী জিলাৰ গৌৰীপুৰত নিশা ৰহস্যজনকভাবে উদ্ধাৰ স্বামী-স্ত্ৰীৰ মৃতদেহ ৷ কোঠাৰ শোৱাপাটীত স্ত্ৰীৰ আৰু চীপলৈ ওলমি থকা অৱস্থাত উদ্ধাৰ হয় স্বামীৰ মৃতদেহ ৷ গৌৰীপুৰৰ বেগুনতলী খেওৱাৰ পাৰত সংঘটিত এই ঘটনা । ঈদত কোনো বজাৰ নকৰাৰ বাবেই স্বামী-স্ত্ৰীৰ কাজিয়াৰ পৰিণতিত এই ঘটনা সংঘটিত হোৱাৰ সন্দেহ একাংশৰ ৷ মৃত মহিলা গৰাকীৰ নাম সুমন আৰু স্বামীৰ নাম ছাইদূল ইছলাম বুলি জানিব পৰা গৈছে ৷
আনহাতে, ঘটনাস্থলীত গৌৰীপুৰ আৰক্ষী উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ ব্যৱস্থা কৰাৰ লগতে তদন্ত আৰম্ভ কৰিছে । আৰক্ষীৰ তদন্তৰ অন্ততহে এয়া হত্যা নে আত্মহত্যা সেয়া পোহৰলৈ আহিব । ঘটনাক লৈ তীব্র চাঞ্চল্য সমগ্ৰ অঞ্চলজুৰি ।
