ধুবুৰী, ২৬ মাৰ্চঃধুবুৰীৰ গোলকগঞ্জত ইতিমধ্যে প্ৰচাৰ আৰম্ভ কৰিছে বদৰুদ্দিন আজমলে । উল্লেখ্য যে ধুবুৰীত অইন দল সমূহৰ প্ৰাৰ্থী ঘোষণাৰ পূৰ্বেই নিৰ্বাচনী প্ৰচাৰত নামি পৰিছে AIUDFৰ প্ৰধানবদৰুদ্দিন আজমল ৷ গোলকগঞ্জৰ বিভিন্ন স্থানত প্ৰচাৰ চলাইছেআজমলে।
মঙলবাৰে গোলকগঞ্জৰ বিদ্যাৰডাবৰীত এখন সভাত অংশ গ্ৰহণ কৰিবিজেপিৰ সমালোচনা কৰে আজমলে। তেখেতে বিজেপিক এটা সাম্প্ৰদায়িক দলৰ আখ্যা দি কয় যে বিজেপিয়ে অকল নিৰ্দিষ্ট এটা দলৰ হৈ কাম কৰাৰ লগতে সংবিধান পৰিবৰ্তন কৰি হিন্দু ৰাষ্ট্ৰ বনাব বিচাৰিছে ৷ লগতে বিজেপিৰ বিৰুদ্ধে ৰাজনৈতিক ভাৱে যুঁজি দেশৰ পৰা বিজেপি, আৰ এচ এচ, বিশ্ব হিন্দু পৰিষদক দেশৰ পৰা বিদায় দিয়াৰ আহ্বান জনায় আজমলে ।
সভাত অকল বিজেপিক সমালোচনা কৰে যদিও কংগ্ৰেছ সম্পৰ্কত মুখৰ পৰা নোলাল কোনো কথা৷সাংসদ হৈ সমষ্টিৰ খবৰ লবলৈ সময় নোপোৱা সাংসদ গৰাকীক এইবাৰ ৰাইজে কিদৰে গ্ৰহণ কৰে সেয়াসময়তহে দেখা যাব।
