অখিল গগৈৰ মুক্তিৰ দাবীত বিলাসীপাৰাত কৃষক মুক্তিৰ প্ৰতিবাদ

দোষী সাব্যস্ত নোহোৱাকৈয়ে কাৰাৰুদ্ধ অখিল গগৈৰ মুক্তিৰ দাবীত কৃষক মুক্তি সংগ্ৰাম সমিতিৰ ধুবুৰৰী জিলা উদ্যোগত বৃহস্পতিবাৰে বিলাসীপাৰাত এক প্ৰতিবাদী কাৰ্যসূচী গ্ৰহণ কৰা হয় ৷ প্ৰতিবাদস্থলীত কৃষক নেতা অখিল গগৈৰ মুক্তিৰ বাবে ভাৰতবৰ্ষৰ সৰ্বোচ্চ ন্যায়ালয়ৰ কাষ চপাৰ লগতে গণতন্ত্ৰৰ শেষ স্তৰলৈকে প্ৰতিবাদ কৰি যোৱা হুংকাৰ দিয়ে ধুবুৰী জিলা কৃষক মুক্তি সংগ্ৰাম সমিতিয়ে ৷

পশ্চিম বিলাসীপাৰা,7 জানুৱাৰী : কৃষক নেতা অখিল গগৈক ষড়যন্ত্ৰমূলক ভাৱে পুনৰ কাৰাগাৰলৈ প্ৰেৰণ কৰা অভিযোগ তুলি বৃহস্পতিবাৰে প্ৰতিবাদ সাব্যস্ত কৰে ধুবুৰী জিলা কৃষক মুক্তি আৰু ছাত্ৰ মুক্তি সংগ্ৰাম সমিতিয়ে ৷ বিলাসীপাৰাৰ নিউ হাতীপোতা বজাৰত সংগঠনৰ সদস্য সদস্যা সকলে অসমৰ মুখ্যমন্ত্ৰী সৰ্বানন্দ সোণোৱালৰ পুত্তলিকা দাহ কৰি প্ৰতিবাদ সাব্যস্ত কৰে ।

অখিল গগৈৰ মুক্তিৰ দাবীত বিলাসীপাৰাত কৃষক মুক্তিৰ প্ৰতিবাদ

ইয়াৰ সমান্তৰালভাৱে কৃষক মুক্তিৰ সংগ্ৰাম সমিতিৰ প্ৰতিবাদকাৰীয়ে বিজেপি চৰকাৰ হায় হায়,বিজেপি-আৰএছএছ মুৰ্দাবাদ,অখিল গগৈক মুক্তি দিয়ক আদি শ্ল'গানেৰে ৷ প্ৰতিবাদস্থলীৰ পৰা কৃষক মুক্তিৰ ধুবুৰী জিলাৰ নেত়ৃত্বই বিজেপি চৰকাৰে অতি স্বৈৰতান্ত্ৰিকভাৱে কৃষক নেতা জন কাৰাৰুদ্ধ কৰি ৰাখিছে বুলি মন্তব্য প্ৰকাশ কৰে ৷

উল্লেখ্য যে,কৃষক নেতা অখিল গগৈৰ মুক্তিৰ বাবে ভাৰতবৰ্ষৰ সৰ্বোচ্চ ন্যায়ালয়ৰ কাষ চপাৰ লগতে গণতন্ত্ৰৰ শেষ স্তৰলৈকে প্ৰতিবাদ কৰি যোৱা হুংকাৰ দিয়ে ধুবুৰী জিলা কৃষক মুক্তি সংগ্ৰাম সমিতিয়ে ৷

লগতে পঢ়ক: ভাৰতীয় মুলৰ ড৹ ৰাজ আয়াৰ আমেৰিকান সেনাৰ চিআইঅ’ নিযুক্ত