ধুবুৰী, 7 মে' : দক্ষিণ শালমাৰা মানকাচৰ জিলাৰ হাটশিঙিমাৰী-মানকাচৰ সংযোগী গড়কাপ্তানি পথৰ মেৰামতিৰ কামত অনিয়মৰ অভিযোগ তুলিছে স্থানীয় ৰাইজে । ২০১৯-২০ বিত্তীয় বৰ্ষৰ SOPD(FDR) আঁচনিৰ অধীনত ৬ কিল'মিটাৰ দৈৰ্ঘৰ গড়কপ্তানি পথটোৰ মেৰামতিৰ বাবদ চৰকাৰে আৱন্টন দিছে ২,৬৬,৬১,৬০০ টকা। ইয়াৰ ঠিকা লাভ কৰিছে হাটশিঙিমাৰীৰ শোভন কুমাৰ সাহা এজন ঠিকাদাৰে ।
কিন্তু পৰিতাপৰ বিষয় যে ঠিকাদাৰ শোভন কুমাৰ সাহাই পথটো পৰা খান্দি উলিওৱা পুৰণি শিলগুটিকে পুনৰবাৰ ব্যৱহাৰ কৰাৰ লগতে নিম্নমানৰ সামগ্ৰীৰে কামটো কৰি থকাত ক্ষোভিত হৈ পৰিছে জিলাখনৰ সচেতন ৰাইজ । আনেকি ঠিকাদাৰজনে পথটো পৰিষ্কাৰ নকৰাকৈ আৰু পানী নঢলাকৈ পুৰণিকলীয়া পদ্ধতিৰে কাম আৰম্ভ কৰাৰ অভিযোগ কৰিছে ৰাইজে ৷ খুৱ কম সময়ৰ ভিতৰতে পথটো বেয়া হ'ব বুলি আংশকা প্ৰকাশ কৰিছে ৰাইজে ।
আনহাতে, কামটো ভাল সামগ্ৰীৰে সঠিকভাৱে সম্পূৰ্ণ কৰাৰ লগতে নিম্নমানৰ সামগ্ৰীৰে কাম কৰা ঠিকাদাৰ শোভন কুমাৰ সাহাৰ বিৰুদ্ধে বিহীত ব্যৱস্থা ল'বলৈ সংশ্লিষ্ট বিভাগটোৰ বিষয়া কৰ্মচাৰীৰ লগতে প্ৰশাসন তথা চৰকাৰক দাবী জনাই সচেতন মহলে । উল্লেখযোগ্য যে, জিলা প্ৰশাসন অথবা চৰকাৰে এই ক্ষেত্ৰত ব্যৱস্থা গ্ৰহণ নকৰিলে আৰু আঁচনি মতে পথৰ কাম নকৰালে মেৰামতিৰ কাম বন্ধ কৰি দিব বুলিও হুংকাৰ দিছে ৰাইজে ।
লগতে পঢ়ক : শিলচৰৰ Covid 19 ত আক্ৰান্তৰ গাঁও ছীল প্ৰশাসনৰ
