প্ৰধানমন্ত্ৰীৰ কাৰ্যালয়লৈ 'সোনাহাট আন্তঃৰাষ্ট্ৰীয় বাণিজ্য কেন্দ্ৰ'ৰ দুৰ্নীতিৰ অভিযোগ

প্ৰধানমন্ত্ৰীৰ কাৰ্যালয়ে গুৰুত্ব সহকাৰে লৈছে সোনাহাট লেণ্ড কাষ্টম বিষয়াৰ দুৰ্নীতিৰ বিৰুদ্ধে সচেতন মহলে উত্থাপন কৰা অভিযোগটো ৷

ধুবুৰী, 13 জুন : ধুবুৰীৰ ভাৰত বাংলা সীমান্তৰ সোনাহাট আন্তঃৰাষ্ট্ৰীয় বাণিজ্য কেন্দ্ৰৰ বিৰুদ্ধে বিভিন্ন সময়ত দুৰ্নীতিৰ বিষয়ে সংবাদ মাধ্যমত প্ৰচাৰ হৈ আহিছে ৷ শেহতীয়াকৈ কাষ্টম বিষয়া ৰেকিবুদ্দিন আহমেদ আৰু বিষয়া নজৰুল ইছলামৰ বিৰুদ্ধে দুৰ্নীতিৰ অভিযোগ উত্থাপিত হৈছে ৷ তেনে সময়তে সচেতন নাগৰিকে এই বিষয়া কেইজনৰ বিৰুদ্ধে প্ৰধানমন্ত্ৰীৰ কাৰ্যালয়লৈ অভিযোগ প্ৰেৰণ কৰে ৷

সোনাহাট আন্তঃৰাষ্ট্ৰীয় বাণিজ্য কেন্দ্ৰখন, ছাৰ্ক সন্মিলনৰ অংশ হিচাপে সোনাহাট আন্তঃৰাষ্ট্ৰীয় বাণিজ্য কেন্দ্ৰই দি শিল আৰু কয়লা ৰপ্তানি হয় ৷ কিন্তু বাংলাদেশলৈ শিল আৰু কয়লা প্ৰেৰণৰ নামত গোলকগঞ্জ লেণ্ড কাষ্টম বিষয়াই লুন্ঠন চলোৱাৰ অভিযোগ উত্থাপিত হৈছে ৷ ধনৰ বিনিময়ত বাংলাদেশলৈ শিল আৰু কয়লা প্ৰেৰণ কৰাৰ অভিযোগ তুলি একাংশ সচেতন লোকে প্ৰধানমন্ত্ৰীৰ কাৰ্যালয়লৈ অভিযোগ প্ৰেৰণ কৰে ৷ ইতিমধ্যে, প্ৰধানমন্ত্ৰীৰ কাৰ্যালয়েও এই অভিযোগটো গুৰুত্ব সহকাৰে লৈছে ৷ এতিয়া ৰাজ্যত বহুল চৰ্চা লাভ কৰা বাণিজ্য কেন্দ্ৰটোৰ দুৰ্নীতি ৰোধ কৰিবলৈ , প্ৰধানমন্ত্ৰী কাৰ্যালয় কিমান দূৰ সফল হয় সেয়াহে লক্ষণীয় হ'ব ৷