বিলাসীপাৰা,4 জানুৱাৰীঃ বিলাসীপাৰাত শুকুৰবাৰে নিশা সংঘটিত হয় এক লোমহৰ্ষক ডকাইতিৰ কাণ্ড ৷ বলেৰ’ বাহনেৰে অহা 6-7 জনীয়া ডকাইতৰ দল এটাই বিলাসীপাৰাৰ 31 নং ৰাষ্ট্ৰীয় ঘাইপথৰ গৌৰাং নগৰৰ পৰা বলেৰ’ পিক আপ ভান সহ ডেৰ লক্ষাধিক টকা লুট কৰি পলায়ন কৰে ৷
উল্লেখ্য যে, AS01GC-5016 নম্বৰৰ বলেৰ’ পিক আপ ভানখনৰ চালক,হেণ্ডিমেন আৰু শ্ৰমিক এজনে ব্ৰইলাৰ কুকুৰা গুৱাহাটীত বিক্ৰী কৰি বিলাসীপাৰাৰ দিশে আহি আছিল ৷ সেইসময়তেই গৌৰাং নগৰত 6-7জনীয়া ডকাইতৰ দল এটাই মুখত ক’লা কাপোৰ বান্ধি গাড়ীখন আগুচি ধৰে ৷ পৰৱৰ্তী সময়ত ডকাইতৰ দলটোৱে বলেৰ’খনৰ চালক,হেণ্ডিমেনক মাৰপিট কৰি কুকুৰা কঢ়িওৱা বাহনখনৰ লগতে চালকৰ লগত থকা ডেৰ লক্ষাধিক টকা লুটি লৈ পলাই যায় ৷
ঘটনাস্থলীত ইতিমধ্যে আৰক্ষী উপস্থিত হৈছে যদিও ডকাইতৰ দলটোৰ সন্ধান উলিয়াবলৈ সক্ষম হোৱা নাই ৷ আহত চালক ৰবিউল হুছেইনৰ ঘৰ বৰপেটাৰ হাউলীত, হেণ্ডিমেন ছিৰাজুল হক আৰু শ্ৰমিক ৰফিকুল ইছলামৰ ঘৰ ধুবুৰীৰ আগমননিত ৷ আহতসকলক বিলাসীপাৰা অসামৰিক চিকিৎসালয়ত ভৰ্তি কৰোৱা হয় ৷ ইয়াৰে ছিৰাজুল হকৰ অৱস্থা অতি সংকটজনক বুলি জানিব পৰা গৈছে ৷
লগতে পঢ়ক-তৰুণ গগৈ বিজেপিত আহিব বুলি মই শুনি আছোঃহিমন্ত বিশ্ব শৰ্মা
