বিলাসীপাৰা, ২৬ অক্টোবৰঃ ধুবুৰী জিলাৰ বিলাসীপাৰাৰ হাকামা গাঁও পঞ্চায়তৰ সভাপতি চুলতান আলী আহমেদ মুকলি কৰিলে এখন বাঁহেৰে নিৰ্মিত দলং । নিজৰ গাঁঠিৰ ধন ভাঙি সভাপতি গৰাকীয়ে ৰাইজৰ সহযোগত নিৰ্মাণ কৰি দিয়ে দলঙখন ৷
গৌৰাং নগৰৰ পৰা বিলাসীপাৰা সংযোগী পথটোত থকা দলং খন যোৱাটো বিধ্বংসী বানত উটি গৈছিল ৷ ফলত নৈখন পাৰ হোৱাৰ ক্ষেত্ৰত যমৰ-যাতনা ভুগিৰ লগা হৈছে বহু কেইখন গাঁৱৰ ৰাইজে ৷ দীৰ্ঘদিন ধৰি স্থানীয় বিধায়ক অশোক কুমাৰ সিংহাক দলং এখন নিৰ্মাণৰ বাবে অনুৰোধ কৰিছিল যদিও বিষয়টোৰ ওপৰত কোনো গুৰুত্ব নিদিয়াৰ অভিযোগ স্থানীয় ৰাইজৰ । অৱশেষত হাকামা গাঁও পঞ্চায়তৰ সভাপতি চুলতান আলী আহমেদে নিজৰ গাঁঠিৰ ধন ভাঙি ৰাইজৰ সহযোগত সুঁতিটোৰ ওপৰত নিৰ্মাণ কৰি দিয়ে এখন বাঁহৰ দলং ৷ ৰাইজৰ অনুৰোধ মৰ্মে পঞ্চায়ত সভাপতি চুলতান আলীয়ে বাঁহৰ দলংখন ৰাইজৰ বাবে মুকলি কৰি দিয়ে | সভাপতি গৰাকীৰ এনে কৰ্মৰ বাবে শলাগ লৈছে স্থানীয় ৰাইজৰ লগতে কণ-কণ ছাত্ৰ ছাত্ৰীয়ে |
