ধেমাজি , 20, জুলাই : কেৰালাত কাম কৰিবলৈ গৈ অন্ধ্ৰ প্ৰদেশৰ ৰে'লৱে ষ্টেচনৰ পৰা সন্ধানহীন ধেমাজিৰ যুৱক ৷ সন্ধানহীন যুৱকজনৰ নাম দীপ বৰুৱা ৷ উল্লেখ্য যে, ধেমাজিৰ গোগামুখ আৰক্ষী থানাৰ অন্তৰ্গত জয়ৰামপুৰ কমলপুৰ গাঁৱৰ 32 বছৰীয়া দীপ বৰুৱা এটি 8 বছৰীয়া শিশুৰ পিতৃ ৷ বিগত 22-6-2019 তাৰিখত কেৰালালৈ গৈ থকা অৱস্থাত 25-6-2019 ত সন্ধিয়া অন্ধ প্ৰদেশৰ ষ্টেচনৰ পৰা নিৰুদ্দেশ হয় যুৱকজন ।
কেৰালাত সন্ধানহীন ধেমাজিৰ যুৱক
যুৱকজনক পৰিয়ালৰ লোকে ফোনযোগে যোগযোগ কৰিবলৈ চেষ্টা কৰে যদিও সংযোগ স্থাপন কৰিব পৰা নাই ৷ যাৰ বাবে উপায়হীন হৈ শনিবাৰে ধেমাজি আৰক্ষী থানাত এজাহাৰ দাখিল কৰে ৷ লগতে ধেমাজি সদৰ প্ৰেছ ক্লাৱত উপস্থিত হৈ সাংবাদিকৰ ওচৰত সহায় বিচাৰিলে দুৰ্ভগীয়া পৰিয়ালটোৱে ৷ আনহাতে, সন্ধানহীন যুৱকজন সন্দৰ্ভত যিকোনো তথ্য লাভ কৰিলে 8732071428 নম্বৰত যোগাযোগ কৰিবলৈ অনুৰোধ জনায় পৰিয়ালৰ লোকে ৷
