ধেমাজি, 12 এপ্ৰিল: ধেমাজি আৰু চিলাপথাাৰ পৌৰ সভা নৱনিৰ্বাচিত সদস্যসকলৰ শপত গ্ৰহণ ৷ বহু জল্পনা-কল্পনা অন্ত পেলাই এটা মাহৰ পাছত মঙলবাৰে ধেমাজি জিলাৰ দুখনকৈ পৌৰসভা ধেমাজি(Dhemaji Municipal Board) আৰু চিলাপথাৰ পৌৰসভাৰ (Silapather Municipal Board) শপত গ্ৰহণ অনুষ্ঠান জিলা উপায়ুক্ত কাৰ্যালয়ৰ সভাকক্ষত অনুষ্ঠিত হয় ৷ নৱনিযুক্ত উপায়ুক্ত অসীম কুমাৰ ভট্টাচাৰ্যই দুয়োখন পৌৰ সভাৰ ২২ গৰাকী নিৰ্বাচিত প্ৰতিনিধিক শপতবাক্য পাঠ কৰোৱায় (Oath taking ceremony of Dhemaji-Silapather Municipal Board) ৷
এই শপত গ্ৰহণ অনুষ্ঠানত উপস্থিত থাকি ধেমাজি সমষ্টিৰ বিধায়ক তথা শিক্ষামন্ত্ৰী ডাঃ ৰণোজ পেগু, সাংসদ প্ৰদান বৰুৱা আৰু জোনাইৰ বিধায়ক ভূৱন পেগুৱে পদেন সদস্য হিচাবে শপত লোৱাৰ বিপৰীতে ধেমাজি পৌৰ সভাৰ পৌৰপতি হিচাবে দীপৰেখা দাস বাঘ্ৰী আৰু উপ পৌৰপতি হিচাবে বিপ্লৱ কোঁৱৰে শপত গ্ৰহণ কৰে ৷ ইফালে চিলাপথাৰ পৌৰসভাৰ পৌৰপতি হিচাবে লাৱণ্য পাইত দলেয়ে শপত গ্ৰহণ কৰে ৷ উপ পৌৰপতিৰ নিৰ্বাচন প্ৰক্ৰিয়া সাময়িকভাবে স্থগিত ৰখা হয় ৷
লগতে পঢ়ক: গুৱাহাটীৰ প্ৰতিটো ৱাৰ্ডত নিৰ্মাণ হ'ব চৰকাৰী হাস্পতাল : মুখ্যমন্ত্ৰী
