জোনাই, ১১ মে': অসমৰ নৱ নিৰ্বাচিত মুখ্যমন্ত্ৰী ড৹ হিমন্ত বিশ্ব শৰ্মালৈ শুভেচ্ছা জ্ঞাপন কৰিলে ধেমাজি জিলা অধিবিদ্যা পৰিষদে ৷ ড৹ শৰ্মাৰ প্ৰসংশাৰে পঞ্চমুখ হৈ পৰে পৰিষদৰ সভাপতি-সম্পাদককে আদি কৰি কৰ্মকৰ্তা সকল ৷ নিজৰ দক্ষতাৰ বলতেই মুখ্যমন্ত্ৰীৰ আসনখন অলংকৃত কৰিব পাৰিছে বুলি মুখ্যমন্ত্ৰী গৰাকীক প্ৰসংশাৰে উপচাই পেলায় জিলা অধিবিদ্যা পৰিষদৰ সভাপতি ফটিক দলে আৰু সম্পাদক খগেন পেগুৱে ৷
আগন্তুক দিনত নতুন চৰকাৰখনে অসমক দেশৰ সৰ্বশ্ৰেষ্ঠ আন ৰাজ্য সমূহৰ দৰেই প্ৰতিষ্ঠা কৰিব পাৰিব বুলি আশা প্ৰকাশ কৰাৰ লগতে ড৹ শৰ্মাৰ নেতৃত্বৰ আটাইবোৰ কেবিনেট মন্ত্ৰীলৈ শুভেচ্ছা জ্ঞাপন কৰি সকলোৰে সু-স্বাস্থ্য কামনা কৰিছে । তদুপৰি গৃহ জিলা ধেমাজি সমষ্টিৰ জনপ্ৰিয় বিধায়ক ডাঃ ৰণোজ পেগুৱে কেবিনেট মন্ত্ৰী হিচাপে শপত গ্ৰহণ কৰাৰ পাচতে আনন্দত আত্মহাৰা হৈছে সমষ্টিবাসী ।
লগতে পঢ়ক: মুখ্যমন্ত্ৰী ড৹ হিমন্ত বিশ্ব শৰ্মাক অভিনন্দন আমুলৰ
