ধেমাজি, 21 জুনঃ দেওবাৰে পুৱা প্ৰয়া 9 বজাত ধেমাজিৰ বৰধাম অঞ্চলত থকা মাথাউৰি ছিঙি নিয়ে গাই নদীৰ সংহাৰী বানে ৷ ফলত এক হাহাকাৰ পৰিস্থিতৰ সৃষ্টি হৈছে স্থানীয় ৰাইজৰ মাজত ৷ স্থানীয় ৰাইজৰ অভিযোগ অনুসৰি, মথাউৰিটো ছিগো-ছিগো অৱস্থা হৈ থকাৰ সময়তো বিভাগীয় কৰ্তৃপক্ষই নল'লে কোনো ধৰণৰ ব্যৱস্থা ৷ আনকি এই পৰ্যন্ত কোনো উদ্ধাৰকাৰী দলো সেই স্থানত উপস্থিত হোৱা নাই ৷
ধেমাজিৰ বৰধামত গাই নদীয়ে ছিগিলে মথাউৰি
মথাউৰিটো ভগাৰ ফলত অঞ্চলটোৰ প্ৰায় 40 খন গাঁও প্লাৱিত হোৱা বুলি জানিব পৰা গৈছে ৷ স্থানীয় ৰাইজৰ দাবী যাতে অতি শীঘ্ৰেই অসম চৰকাৰ তথা বিভাগীয় কৰ্তৃপক্ষই এই বান বিধ্বস্ত এলেকাটোৰ ৰাইজৰ বাবে মাথাউৰিটো পুনৰ নিৰ্মাণ কৰি দিয়ে ৷ কিয়নো এই বিধ্বংসী বানৰ বাবে ইতিমধ্যেই সৰ্বাস্বান্ত হৈছে অঞ্চলটোৰ কেইবাটাও পৰিয়াল ৷
লগতে পঢ়কঃ ডিব্ৰুগড়ত খহনীয়াৰ ভয়ংকৰ ৰূপ
