ধেমাজিত জীয়াঢলৰ বুকুত জাহ গ'ল বিদ্যালয়ৰ গৃহ

ধেমাজিৰ ন-আলি ভজুগাঁও জ্ঞানজ্যোতি হাইস্কুলৰ দুটা পকী গৃহ সম্পূৰ্ণৰূপে জাহ যায় জীয়াঢলৰ বুকুত । ইপিনে বিদ্যালয়খনৰ আন দুটা শ্ৰেণী কোঠাতো অব্যাহত আছে খহনীয়া ।

ধেমাজি, 9 আগষ্টঃ ধেমাজিত পুনৰ জীয়াঢলৰ সংহাৰী বান । শিক্ষক, ছাত্ৰ-ছাত্ৰীৰ চকুৰ সন্মুখতেই শুকুৰবাৰে খহি পৰিল এটা বিদ্যালয়গৃহ । দৈৱক্ৰমে আন এক ভয়ংকৰ দুৰ্ঘটনাৰ পৰা ৰক্ষা পৰিল বিদ্যালয়খনৰ ছাত্ৰ-ছাত্ৰী । ধেমাজি শিক্ষা খণ্ডৰ অন্তৰ্গত ১৯৮৯ চনতে স্থাপন হোৱা ন-আলি ভজুগাঁও জ্ঞানজ্যোতি হাইস্কুলৰ দুটা পকী গৃহ সম্পূৰ্ণৰূপে জাহ যায় জীয়াঢলৰ বুকুত । ইপিনে বিদ্যালয়খনৰ আন দুটা শ্ৰেণী কোঠাতো অব্যাহত আছে তীব্ৰ খহনীয়া । যিকোনো মুহূৰ্ততে জাহ যাব পাৰে আনটো গৃহও । জীয়াঢলৰ খহনীয়াৰ সন্দৰ্ভত বিদ্যালয়খনৰ কতৃপক্ষই বহুবাৰ সংশ্লিষ্ট বিভাগক অৱগত কৰি আহিছিল যদিও যথোচিত পদক্ষেপ গ্ৰহণ নকৰাৰ পৰিপ্ৰেক্ষিতত বিদ্যালয়খন জাহ যায় বুলি মন্তব্য কৰে শিক্ষকসকলে ।