মাতৃৰ অন্তিম সৎকাৰৰ প্ৰাকক্ষণত মৃত্যুক সাৱতিলে পুত্ৰই

মাতৃৰ অন্তিম সৎকাৰৰ বাবে গছ কাটিবলৈ গৈ মৃত্যুক সাৱতিলে এজন পুত্ৰই ৷ এই মৰ্মান্তিক ঘটনা ধেমাজিৰ বৰলুং মাছগাঁৱৰ ৷ গছ কাটি থাকোতে আকস্মিকভাৱে গছ বাগৰি পৰে সঞ্জয় মিছঙৰ গাত ৷

ধেমাজি, 20 নৱেম্বৰঃ মাতৃৰ বিয়োগ ঘটাৰ পিচতে অন্তিম সৎকাৰ সম্পন্ন কৰিবৰ বাবে গছ কাটিবলৈ গৈ মৃত্যুক সাৱতি ল'লে পুত্ৰই ৷ মৃত যুৱকজনৰ নাম ধেমাজিৰ বৰলুং মাজগাঁৱৰ সঞ্জয় মিছং ৷

স্থানীয় লোকে সদৰি কৰা মতে, মাতৃৰ অন্তিম সৎকাৰৰ বাবে গছ কাটি থাকোতে আকস্মিকভাৱে পুত্ৰ সঞ্জয় মিছঙৰ গাত গছ বাগৰি পৰে ৷ ইয়াৰ পিচতে গুৰুতৰভাৱে আহত হয় সঞ্জয় মিছং ৷ অৱশেষত চিকিৎসালয়লৈ নিয়া পথত মৃত্য়ুক সাৱতি লয় সঞ্জয় মিছঙে ৷

ইফালে অঞ্চলটোৰ যাতায়তৰ দুৰৱস্থাৰ বাবে পলমকৈ চিকিৎসালয়লৈ নিয়াৰ বাবে যুৱকজনে মৃত্যুক সাৱতিব লগা হ'ল বুলি ক্ষোভ প্ৰকাশ কৰিছে স্থানীয় লোকে ৷

লগতে পঢ়কঃ চিৰাঙত উদ্ধাৰ যুৱকৰ মৃতদেহ