ধেমাজি,14 মাৰ্চ: ভাৰতীয় জনতা পাৰ্টীৰ ধেমাজি নগৰ মণ্ডল মহিলা মৰ্চাৰ উদ্যোগত দেওবাৰে প্ৰমোদ ভৱনত এখন বিশেষ নিৰ্বাচনী সভা অনুষ্ঠিত হয় ৷ পুৱা ১১ বজাত বন্তি প্ৰজ্বলনেৰে সভাৰ কাৰ্যসূচীৰ শুভাৰম্ভ কৰে জিলা বিজেপিৰ সভাপতি প্ৰেম দত্তই ৷ সভাত প্ৰায় দুই সহস্ৰাধিক বিজেপি মহিলা মৰ্চাৰ কৰ্মী আৰু কাৰ্যকৰ্তাই একেলগে মাতৃ বন্দনা গোৱাৰ পাছত অতিথিসকলক সম্বৰ্ধনা জনোৱা হয় ৷
বিজেপিৰ ৰাষ্ট্ৰীয় কাৰ্যকৰ্তা, প্ৰভাৰী তথা ধেমাজিৰ তত্বাৱধায়ক অনিল কুমাৰ মিশ্ৰ, ধেমাজি জিলা বিজেপিৰ সভাপতি প্ৰেম দত্ত, জিলা বিজেপিৰ মহিলা মৰ্চাৰ সভানেত্ৰী পুষ্পাঞ্জলী চেতিয়া বৰগোঁহাই, ধেমাজি নগৰ মণ্ডল মহিলা মৰ্চাৰ সভানেত্ৰী নিবেদিতা দেউৰী, জিলা বিজেপিৰ উপ-সভাপতি ৰঞ্জনা দত্ত, কিৰণবন দেউৰী আৰু ধেমাজি সমষ্টিৰ বিচাৰক কৃষ্ণ নৰহ উপস্থিত থাকে ৷
