জোনাই, 9 আগষ্ট : সংকটৰ গৰাহত জোনাইৰ ঐৰামঘাট ৷ জোনাইৰ ভৌগোলিক মানচিত্ৰৰ পৰা বিলীন হোৱা পথত এটা অঞ্চল | চিয়াং নদীৰ খহনীয়াই ভয়াৱহ ৰূপ ধাৰণ কৰাত সৃষ্টি হৈছে এই পৰিস্থিতিৰ ৷ অঞ্চলটোৰ কেইবাটাও পৰিয়ালে ভেটি এৰি নিৰাপদ স্থানলৈ ঢাপলি মেলিছে | প্ৰতিবছৰৰ দৰে এইবছৰো বানৰ পিছতে চিয়াং নদীৰ খহনীয়াত জাহ গৈছে অঞ্চলটোৰ বহু লোকৰ ঘৰ | জাহ গৈছে বহু পৰিয়ালৰ বাঁহবাৰী, মূল্যবান গছগছনি আদিৰ সৈতে বিঘাই বিঘাই মাকৈ খেতি |
অস্তিত্বৰ সংকটত ঐৰামঘাট
উল্লেখ্য যে, অসম চৰকাৰৰ জলসম্পদ বিভাগে আজি পৰ্যন্ত ঐৰামঘাটত চিয়াং নদীৰ খহনীয়া প্ৰতিৰোধৰ কোনো স্থায়ী ব্যৱস্থা গ্ৰহণ নকৰাৰ ফল ভূগিছে ঐৰামঘাটত বসবাস কৰা কৃষিজীৱী ৰাইজে | গৰাখহনীয়া প্ৰতিৰোধ ব্যৱস্থা কৰিবলৈ চৰকাৰ জনপ্ৰতিনিধিলৈ আহ্বান জনাইছে ৰাইজে ৷
