ধেমাজি, ১৬ জুন : ক'ভিড (Covid-19)ক হৰুৱাই সকলো ৰোগীৰ বাবে সাহস স্বৰূপ হৈ পৰিছে ধেমাজি (Dhemaji)ৰ মনতা কোচ নামৰ এগৰাকী ৯৫ বছৰীয়া আইতা । মাৰাত্মক কৰ'ণা ভাইৰাছৰ অৱস্থিতি দেহত ধৰা পৰাৰ পিছতো হতাশ হোৱা নাছিল বৃদ্ধাগৰাকী ।
অৱশেষত সুস্থ হৈ উঠে আইতাগৰাকী । যোৱা ১০ জুনত ধেমাজি আন্তঃজিলা বাছ আস্থান ক'ভিড কেয়াৰ কেন্দ্ৰ (Covid care Centre)ত তেওঁক ভৰ্তি কৰোৱা হৈছিল । বুধবাৰে পুনৰ তেওঁৰ ক'ভিড পৰীক্ষা সম্পন্ন কৰা হয় আৰু ফলাফল নিগেটিভ হয় । আনহাতে, ক'ভিডক পৰাস্ত কৰা এই আইতাগৰাকী সকলোৰে বাবে প্ৰেৰনাৰ উৎস হৈ পৰিছে ৷
বৰ্তমান কৰ'ণা মহামাৰীৰ ভয়াৱহতা অব্যাহত আছে । বহু লোকে মহামাৰীৰ কবলত পৰি প্ৰাণ হেৰুৱাইছে । এনে সময়ত আইতাগৰাকী সুস্থ হৈ উঠাত সকলো আনন্দিত হৈ পৰিছে ।
লগতে পঢ়ক:বিলাসীপাৰাত ৯ জনকৈ জুৱাৰীক আটক
