ধেমাজিত ভয়ংকৰ পথ দুৰ্ঘটনা : থিতাতে নিহত ২

ধেমাজিৰ গাই নদীত ভয়ংকৰ পথ দুৰ্ঘটনাত থিতাতে নিহত দুজন যুৱক ৷ নিহত যুৱকজন ক্ৰমে অপূৰ্বজ্যোতি ভূঞা আৰু দিব্যজ্যোতি দেউৰী বুলি জানিব পৰা গৈছে ৷

ধেমাজি,13 জুন : ধেমাজি জিলাৰ গাই নদীত শনিবাৰে ভয়ংকৰ পথ দুৰ্ঘটনা সংঘটিত হয় ৷ দুৰ্ঘটনাটোত থিতাতে নিহত হয় দুজনকৈ যুৱক ৷ নিহত হোৱা যুৱক দুজন ক্ৰমে অপূৰ্বজ্যোতি ভূঞা আৰু দিব্যজ্যোতি দেউৰী বুলি জানিব পৰা গৈছে ৷ জানিব পৰা মতে, ডিব্ৰুগড়ৰ পৰা ধেমাজিলৈ আহি থকা NDRF ৰ Ar-02-6055 এখন এম্বুলেঞ্চ আৰু ধেমাজি দিশৰ পৰা গৈ থকা AS-22F-2788 নম্বৰৰ এখন এল্ট’ গাড়ীৰ মুখামুখি সংঘৰ্ষত দুয়োজন যুৱক থিতাতে নিহত হয় ৷

মৃত এজন যুৱকৰ ঘৰ ধেমাজিৰ 1 নং ভৰালীচুকত বুলি জানিব পৰা গৈছে ৷ দুৰ্ঘটনাটো ইমানে ভয়ংকৰ আছিল যে পিছত এনডিআৰএফ(NDRF) ৰ দলে যন্ত্ৰৰে কাটিহে গাড়ীখনৰ পৰা মৃতদেহ উদ্ধাৰ কৰিবলৈ সক্ষম হয় ৷

লগতে পঢ়ক : বাতৰি কাকতত বিজ্ঞাপনৰ জৰিয়তে ব্যৰ্থতা লুকুৱাইছে চৰকাৰে : ৰকিবুল হুছেইন