জোনাই, 9 জুনঃ ধেমাজি জিলাৰ জোনাই মহকুমাত পুনৰ ১২ গৰাকীৰ দেহত ধৰা পৰে কৰ'ণাৰ উপস্থিতি । মঙলবাৰে জোনাইৰ চিমেন চাপৰি মহাবিদ্যালয়ৰ কোৱাৰেন্টাইন কেন্দ্ৰত থকা ব্যক্তিৰ দেহত ধৰা পৰে মহামাৰী COVID-19ৰ উপস্থিতি ।
খবৰ অনুসৰি, কৰ'ণাত আক্ৰান্ত আটাইকেইজন মহাৰাষ্ট্ৰ পৰা উভতি আহি কোৱাৰেন্টাইন কেন্দ্ৰত আছিল । আনহাতে,কৰ'ণাত আক্ৰান্তসকলক চিলাপথাৰ মডেল চিকিৎসালয়লৈ প্ৰেৰণ কৰে। উল্লেখ্য যে,জোনাই মহকুমাত ইতিপূৰ্বে ১৪ গৰাকী যুৱকৰ দেহত COVID-19 উপস্থিতি ধৰা পৰে। যাৰ ফলত জোনাই মহকুমাত COVID-19ত আক্ৰান্তৰ সংখ্যা মুঠ ২৬ জনলৈ বৃদ্ধি পায় ।
উল্লেখ্য যে,ধেমাজি জিলাত বৰ্তমানলৈকে COVID-19 আক্ৰান্তৰ সংখ্যা 75 গৰাকী । তাৰ ভিতৰত 6 গৰাকী লোকে ইতিমধ্যে কৰ'ণামুক্ত হৈ ঘৰলৈ উভতিছে ।
