দৰং,31 আগষ্ট: মঙলদৈৰ আউলাচৌকাত সংঘটিত হৈছে এক শোকাৱহ পথ দুৰ্ঘটনা ৷ আউলাচৌকাৰ মাজেৰে যোৱা 15 নং ৰাষ্ট্ৰীয় ঘাইপথৰ দাঁতিত সংঘটিত উক্ত দুৰ্ঘটনাটোৰ ফলত পথৰ দাঁতিৰ খাৱৈত বাগৰি পৰে এখন যাত্ৰীবাহী বাছ ৷
আউলাচৌকাত পথ দুৰ্ঘটনা
প্ৰাপ্ত তথ্য অনুসৰি,মঙলদৈৰ পৰা প্ৰায় 35 গৰাকী যাত্ৰীক কঢ়িয়াই গুৱাহাটী অভিমুখে যাত্ৰা কৰা বাছখনে বিপৰীত দিশৰ পৰা আহি থকা এখন তীব্ৰবেগী বাহনক বাট এৰি দিব ধৰোতেই নিয়ন্ত্ৰণ হেৰুৱাই দুৰ্ঘটনাত পতিত হয় ৷ ইতিমধ্যে বাছখনত থকা যাত্ৰীসকলক স্থানীয় লোকৰ তৎপৰতাত উদ্ধাৰ কৰি মঙলদৈ অসামৰিক চিকিৎসালয়ত প্ৰাথমিক চিকিৎসাৰ বাবে ভৰ্তি কৰোৱা হৈছে ৷ আহতসকলৰ ভিতৰৰ কোনো যাত্ৰীৰে আঘাত গুৰুতৰ নহয় বুলি জানিব পৰা গৈছে ৷ দুৰ্ঘটনাৰ সন্মুখীন হোৱা বাছখনৰ নম্বৰ হৈছে AS-13 C-5091 ৷
