দলগাঁও, 27 মে': লকডাউনৰ মাজতেই মঙলবাৰে নিশা দৰঙৰ খাৰুপেটীয়াত সংঘটিত হয় পথ দূৰ্ঘটনা ৷ ধাৰাষাৰ বৰষুণৰ বাবে খাৰুপেটীয়াৰ ঘনশিমুলি বজাৰৰ 15 নং ৰাষ্ট্ৰীয় ঘাইপথৰ ওপৰত বাগৰি পৰা এডাল গছৰ বাবেই সংঘটিত হয় দূৰ্ঘটনাটো ৷ পথৰ ওপৰত গছ ডাল বাগৰি পৰাৰ ফলত নিমন্ত্ৰণ হেৰুৱাই ঘনশিমুলি প্ৰাথমিক বিদ্যালয়ৰ পকী দেৱাল ভাঙি ৰান্ধনী ঘৰত খুন্দা মাৰে এখন ট্ৰাকে ৷ দূৰ্ঘটনা সংঘটিত হোৱাৰ সময়ত গুৱাহাটীৰ অভিমুখে গৈ আছিল UP 12 AT 2079 নম্বৰৰ ট্ৰাকখন ৷
খাৰুপেটীয়াত পথ দূৰ্ঘটনা
দূৰ্ঘটনাৰ খবৰ পোৱাৰ লগে লগে ঘটনাস্থলীত উপস্থিত হয় খাৰুপেটীয়া আৰক্ষীৰ এটা দল ৷ ইয়াৰ পাছতে গুৰুতৰভাৱে আহত ড্ৰাইভাৰ আৰু হেণ্ডিমেনজনক ততাতৈয়াকৈ খাৰুপেটীয়া প্ৰাথমিক স্বাস্থ্য কেন্দ্ৰলৈ প্ৰেৰণ কৰে আৰক্ষীৰ দলটোৱে ৷
