দৰং,30 অক্টোবৰঃ দৰঙত ২ চোৰাং চিকাৰী সহ তিনি অপৰাধীক কৰায়ত্ব । আটকাধীন চোৰাং চিকাৰী কেইজনৰ পৰা দুটা ৰাইফল, এটা পিষ্টলসহ ৪ জাই সজীৱ গুলী, ১২ বৰৰ ৫ টা গুলীৰ লগতে হৰিণাৰ শিং জব্দ কৰে । মঙলবাৰে পুৱতি নিশা দৰং আৰক্ষীৰ দুটা সুকীয়া অভিযানত কৰায়ত্ব কৰা হয় চোৰাং চিকাৰী কেইটাক ৷ মঙলবাৰে দৰঙৰ আৰক্ষী অধীক্ষকে সংবাদ মাধ্যমক সংম্বোধন কৰি সদৰি কৰিলে এই তথ্য ৷ আটকাধীন চোৰাং চিকাৰী দুটা নুৰ ইছলাম আৰু জালাউদ্দিন আলী বুলি জানিবলৈ দিয়ে আৰক্ষী অধীক্ষক গৰাকীয়ে । নগাঁৱৰ উলুৱনি থানা এলেকাৰ পৰা কৰায়ত্ব কৰা দুধৰ্ষ চিকাৰী নুৰ ইছলামৰ ঘৰ হাৰমতি আৰু জালাউদ্দিন আলীৰ ঘৰ লামডিঙত । পূৰ্বেও এই অপৰাধৰ লগত জৰিত চিকাৰী দুটাৰ পৰা পইন্ট ২২ পিষ্টল সহ ৪ জাই সজীৱ গুলী উদ্ধাৰ কৰে ।
আনহাতে, দৰঙৰ উপ আৰক্ষী অধীক্ষক মামনি হাজৰিকাৰ নেতৃত্ব মঙলবাৰে নিশা চলোৱা অভিযানত জাগুৱাৰ চাপৰিৰ পৰা জাকিৰ হুছেইন নামৰ এজন চোৰাং চিকাৰীক গ্ৰেপ্তাৰ কৰাৰ লগতে দুটা হস্ত নিৰ্মিত পিষ্টল সহ ৪ জাই সজীৱ গুলী জব্দ কৰে । দৰঙৰ শিলবড়ি আৰু শ্যামপুৰ থানা এলেকাত চলোৱা অভিযানত দৰং আৰক্ষীৰ কেইবাজনো উপ-পৰিদৰ্শক সহ এটি বৃহৎ দলে অংশ লয় ।
