দৰং,20 আগষ্টঃ সভ্য সমাজক লজ্জানত কৰা তেনে এক জঘন্য ঘটনা সংঘটিত হৈছে ছিপাঝাৰৰ দেওমৰনৈৰ কুমাৰপাৰা গাঁৱত ৷ পুত্ৰৰ ভয়ত অৱশেষত আৰক্ষী চকীত উপস্থিত অসহায় বৃদ্ধ পিতৃ-মাতৃ ৷
দীৰ্ঘদিন ধৰি পুত্ৰ অনিল কুমাৰে বৃদ্ধ পিতৃ-মাতৃক শাৰিৰীক-মানসিক নিৰ্যাতন চলাই অহাৰ অভিযোগ পুত্ৰৰ বিৰুদ্ধে ৷ তাৰোপৰি অনিলে মাতৃক শাৰিৰীক অত্যাচাৰ কৰি পিন্ধি থকা বস্ত্ৰ চিঙি পেলোৱাৰ অভিযোগ মাতৃৰ ৷ আনকি ডিঙি চেপি, চুৰিৰে হত্যা কৰাৰ ভাবুকি প্ৰদান কৰাৰ অভিযোগ বৃদ্ধ পিতৃ-মাতৃৰ ৷ পুত্ৰৰ হাতত মৃত্যুৰ ভয়ত পিতৃ-মাতৃয়ে নিজ গৃহ এৰি পলায়ন কৰিবলৈ বাধ্য হয় ৷ প্ৰায় ১৫ দিন ধৰি বৃদ্ধ পিতৃ-মাতৃয়ে পুত্ৰৰ ভয়ত অনাই-বনাই ঘুৰি ফুৰি অৱশেষত পাতিলে ৰাইজ মেল ৷ ৰাইজ মেলত কুলাংগাৰ পুত্ৰই দেখুৱালে ৰণচণ্ডী ৰুপ ৷ ৰাইজ মেলত বৃদ্ধ পিতৃ -মাতৃক দিলে ৰাইজে আইনী ব্যৱস্থা গ্ৰহণৰ পৰাৰ্মশ ৷ অৱশেষত বৃদ্ধ পিতৃ-মাতৃ দুগৰাকীয়ে পাথৰিঘাট আৰক্ষী চকীত পুত্ৰৰ বিৰুদ্ধে তৰিলে গোচৰ ৷
উল্লেখ্য যে,চৰকাৰে যিমানেই কঠোৰ আইন বলবৎ নকৰক কিয় এইখন অসম মুলুকত সঘনাই সংঘটিত হৈছে পুত্ৰৰ হাতত পিতৃ-মাতৃ শাৰিৰিক অত্যাচাৰৰ বলি হোৱা ঘটনা ৷ এতিয়া উক্ত ঘটনাৰ বিৰুদ্ধে আৰক্ষীয়ে কি ভূমিকা গ্ৰহণ কৰে সেয়া হ'ব উল্লেখনীয় ৷
