দৰং, 31 অক্টোবৰ : দেওবাৰে দৰং জিলাৰ দলগাঁৱত সংঘটিত হৈছে এক ভয়ংকৰ পথ দুৰ্ঘটনা । জানিব পৰা মতে, এই দুৰ্ঘটনাত থিতাতে নিহত হৈছে পাচঁজন লোক আৰু তিনিজন লোক আহত হৈছে ৷ ডিজায়াৰ আৰু ছয় চকীয়া ট্ৰাকৰ মুখামুখি সংঘৰ্ষত এই দুৰ্ঘটনা সংঘটিত হৈছে । দৰঙৰ দলগাঁৱৰ ১৫ নং ৰাষ্ট্ৰীয় ঘাই পথত সংঘটিত হৈছে এই ভয়ংকৰ পথ দুৰ্ঘটনা ।
জানিব পৰা মতে, এখন SWIFT DESIRE বাহনৰ সৈতে এখন ছয়চকীয়া ট্ৰাকৰ মুখা-মুখি সংঘৰ্ষৰ পৰিণতিতে দুৰ্ঘটনাটো সংঘটিত হৈছে । উল্লেখযোগ্য যে, তেজপুৰৰ পৰা গুৱাহাটী অভিমুখী AS--07-G 6794 নম্বৰৰ SWIFT DESIRE বাহনখন গৈ থকা অৱস্থাত বিপৰীত দিশৰ পৰা আহি থকা AS-23-CC-1002 নম্বৰৰ ছয়চকীয়া ট্ৰাকৰ লগত মুখা-মুখি সংঘৰ্ষ ঘটে ।
দলগাঁও থানাৰ অন্তৰ্গত বেছিমাৰীৰ ১৫ নং ৰাষ্ট্ৰীয় ঘাইপথত সংঘটিত হৈছে এই পথ দুৰ্ঘটনাটো । ঘটনাৰ খবৰ পাই দলগাঁও আৰক্ষীয়ে ঘটনাস্থলীত উপস্থিত হৈ আঘাত প্ৰাপ্ত যাত্ৰীসকলক মঙলদৈ অসামৰিক চিকিৎসালয়লৈ প্ৰেৰণ কৰে ।
লগতে পঢ়ক : অচিৰে লখিমপুৰ-গুৱাহাটীক আকাশীপথেৰে সংযোগ কৰিব ফ্লাইবিগে
