ওদালগুৰি, 21 জুন: ওদালগুৰি জিলাত ৫ জনকৈ স্বাস্থ্য কৰ্মীৰ দেহত ধৰা পৰিছে কৰ'ণা ভাইৰাছৰ অৱস্থিতি ৷ দেওবাৰে ওদালগুৰিৰ NHM কাৰ্যালয়ত কৰ্মৰত ৫ জন কৰ্মচাৰীৰ দেহত ধৰা পৰিল কভিড- ১৯ পজিটিভ ৷ জিলা কাৰ্যালয়ত কৰ্মৰত ২ জন আৰু ব্লকত কৰ্মৰত ৩ জনৰ দেহত ধৰা পৰিছে কৰ'ণা ভাইৰাছ পজিটিভ ৷ স্বাস্থ্য কৰ্মী কেইজন হ'ল ক্ৰমে অনুপ শইকীয়া, ৰাজ ডনাল্ড মোছাহাৰী ,অলকেশ শৰ্মা, দীপাংকৰ দাস আৰু পুলক শইকীয়া ৷
বৰ্তমান ৰৌতা মডেল হাস্পতাললৈ প্ৰেৰণ কৰা হৈছে আটাইকেইজন কোভিড-19 পজিটিভ ৰোগীক ৷ ইয়াৰ ওপৰিও উক্ত NHM ৰ কাৰ্যালয় চীল কৰি কন্টেইন্টমেন্ট জ'ন ঘোষণা কৰাৰ যো জা কৰিছে জিলা প্ৰশাসনে ৷ উল্লেখ্য যে, এতিয়াৰে পৰা জিলা উপায়ুক্ত কাৰ্যালয়ৰ পৰাই চলিব NHM ৰ জিলা কাৰ্যালয়ৰ কাম কাজ ৷
লগতে পঢ়কঃ দেশত কোভিড-১৯ ৰ পৰা আৰোগ্য লাভ কৰা ৰোগীৰ হাৰ ৫৫.৪৯ শতাংশলৈ বৃদ্ধি
