দলগাঁও,4 মাৰ্চঃ বৃহস্পতিবাৰে পুৱা খাৰুপেটীয়াত উদ্ধাৰ হৈছে এজন যুৱকৰ মৃতদেহ ৷ খাৰুপেটীয়াৰ ১৫ নং ৰাষ্ট্ৰীয় ঘাইপথৰ নিমতলী দলঙৰ তলত পুৱা পথচাৰীয়ে ভৰি বান্ধি থোৱা অৱস্থাত প্ৰত্যক্ষ কৰে এটি মৃতদেহ ৷ লগে লগে পথচাৰীয়ে খাৰুপেটীয়া আৰক্ষীক খবৰ দিয়ে ৷ ঘটনাস্থলীত আৰক্ষী উপস্থিত হৈ মৃতদেহটো উদ্ধাৰ কৰে ৷
আৰক্ষীয়ে মৃতদেহৰ পৰা উদ্ধাৰ কৰা নথিপত্ৰৰ ভিত্তিত মৃত যুৱকজন বৰপেটাৰ ১ নং নালিগাঁও এন চি ব্লকৰ চবৰ আলীৰ 28 বছৰীয়া পুত্ৰ ৰফিকুল ইছলাম চিনাক্ত কৰে ৷ আৰক্ষীয়ে এই সন্দৰ্ভত ইতিমধ্যে তদন্ত আৰম্ভ কৰিছে ৷
উল্লেখ্য যে, অচিনাক্ত দুৰ্বৃত্তই মৃত যুৱকজনক হত্যা কৰি দলঙৰ তলত পেলাই দিয়াৰ সন্দেহ ব্যক্ত কৰিছে অঞ্চলবাসীয়ে ৷ একাংশৰ মতে, মৃত যুৱকজন কৰ্মসূত্ৰে বাহনৰ চালক বুলি সন্দেহ প্ৰকাশ কৰিছে ৰাইজে ৷
লগতে পঢ়কঃ এ-১ এক্সপ্ৰেছত অভিনয় কৰিব লাৱণ্য ত্ৰিপাঠীয়ে
