মঙলদৈ, ৪ মে': মঙলদৈ চহৰৰ মাজেৰে বৈ যোৱা বেগানৈত বৃহস্পতিবাৰে দুপৰীয়া গা ধুবলৈ গৈ পানীত উটি গৈছিল ৰাজু দে' নামৰ ৪২ বছৰীয়া লোকজন । বিগত তিনিদিন ধৰি এছ দি আৰ এফ বাহিনীৰ জোৱান আৰু ডুবাৰুৱে মৃতদেহটো উদ্ধাৰৰ বাবে যথেষ্ট চেষ্টা কৰিছিল যদিও উদ্ধাৰ কৰিবলৈ সক্ষম হোৱা নাছিল । বিগত কেবাদিন ধৰি হৈ থকা নেৰানেপেৰা বৰষুণৰ বাবে ফেনে ফোটোকাৰে বাঢ়ি অহা বেগা নদীৰ কোবাল সোঁতে উটুৱাই লৈ গৈছিল ৰাজু দে'ক ।
যোৱা তিনিদিন ধৰি সন্ধানহীন হৈ থকাৰ পিছত শনিবাৰে আবেলি মঙলদৈ পশু চিকিৎসালয়ৰ পিছফালে নদীত ৰাজু দে'ৰ মৃতদেহ উপঙি থকা অৱস্থাত এছ দি আৰ এফে উদ্ধাৰ কৰে । পিছত মঙলদৈ থানাৰ আৰক্ষীয়ে মৃতদেহটো পানীৰ পৰা উঠাই মৰণোত্তৰ পৰীক্ষাৰ বাবে প্ৰেৰণ কৰে ।
লগতে পঢ়ক: বৃহৎ ধনসহ দুগৰাকী মহিলাক আটক লামডিং জি আৰ পিৰ
জানিব পৰা মতে, সদ্য প্ৰয়াত ৰাজু দেৰ স্থায়ী ঘৰ গুৱাহাটীত যদিও বিবাহ সূত্ৰে মঙলদৈ থাকি ক্ষুদ্ৰ ব্যৱসায় কৰি পৰিয়াল পোহপাল দি আছিল ।
