দৰং,11 জানুৱাৰী: দৰঙৰ ঐতিহাসিক ধলপুৰ শিৱমন্দিৰৰ 180 বিঘা ভূমিত দৰং প্ৰশাসনৰ উচ্ছেদ অভিযান ৷ দীৰ্ঘদিনৰ পৰা কিছু সন্দেহযুক্ত নাগৰিকে বেদখল কৰি অহা দেখি স্থানীয় দল-সংগঠনে প্ৰশাসনৰ ওচৰত উচ্ছেদ কৰাৰ বাবে দাবী জনাই অহাৰ পাচতে সোমবাৰে উচ্ছেদ চলাই দৰং প্ৰশাসনে ৷ মন্দিৰটোৰ 180 বিঘা ভূমিত বেদখলকাৰীয়ে দীৰ্ঘদিনে ঘৰবাৰী সাজি খেতি কৰি আছিল ৷
ঐতিহাসিক ধলপুৰ শিৱমন্দিৰৰ ভূমিত দৰং প্ৰশাসনৰ উচ্ছেদ অভিযান
উল্লেখ্য যে,ইয়াৰ আগতেও ধলপুৰৰ একে স্থানতে 2018 চনত প্ৰশাসনে উচ্ছেদ চলাই বেদখলমুক্ত কৰিছিল যদিও পুনৰ 180 বিঘা মাটিত সন্দেহযুক্ত নাগৰিকে বেদখল কৰে ৷ দল-সংগঠনৰ হেঁচাৰ পাচতে প্ৰশাসনে তাৎক্ষণিকভাবে 180 বিঘা বেদখল ভূমিত উচ্ছেদ চলাই যদিও অঞ্চলটোৰ প্ৰায় 400 বিঘা মাটি এতিয়াও বেদখল হৈ আছে ৷
লগতে পঢ়ক: আকাশলংঘী মূল্যবৃদ্ধি স্বত্বেও ভোগালীৰ বজাৰত গ্ৰাহকৰ ভিৰ
