দৰং, 31 মাৰ্চ: বৃহস্পতিবাৰে ৰাজ্যত অনুষ্ঠিত হ’ব দ্বিতীয় পৰ্যায়ৰ নিৰ্বাচন । দ্বিতীয় পৰ্যায়ৰ নিৰ্বাচনৰ বাবে ইতিমধ্যে সাজু হৈছে দৰং জিলা । দৰং জিলাৰ চাৰিটা বিধানসভা সমষ্টিত এই বেলি অনুষ্ঠিত হ’ব ভোট গ্ৰহণ । এই চাৰিটা বিধানসভা সমষ্টি ক্ৰমে ছিপাঝাৰ, মঙলদৈ, দলগাঁও আৰু কলাইগাঁও ।
দৰঙ জিলা প্ৰশাসন সাজু দ্বিতীয় পৰ্যায়ৰ নিৰ্বাচনৰ বাবে
উল্লেখযোগ্য যে, দৰং জিলাত মুঠ ভোটাৰ হৈছে ৮,৩৮,৯৫৮ গৰাকী । ভোটগ্ৰহণৰ বাবে মুঠ ১২০১ টা ভোটগ্ৰহণ কেন্দ্ৰ স্থাপন কৰা হৈছে জিলাখনত ।
ইপিনে ১২০১ টা ভোটগ্ৰহণ কেন্দ্ৰ পৰিচালনা কৰিবলৈ ৫৭৬৮ গৰাকী কৰ্মচাৰী নিয়োগ কৰা হৈছে । মনকৰিবলগীয়া যে, চাৰিটা বিধান সভা সমষ্টিৰ বাবে ইতিমধ্যে প্ৰতিদ্বন্দ্বিতা কৰিবলৈ ভাগ লৈছে ৩২ গৰাকী প্ৰাৰ্থীয়ে ।
