চিৰাং,27 নৱেম্বৰঃ চিৰাঙৰ বৰতালোৱাত সদ্য প্ৰয়াত ভূতপূৰ্ব মুখ্যমন্ত্ৰী তৰুণ গগৈলৈ শ্ৰদ্ধাঞ্জলি প্ৰদানৰ অনুষ্ঠান ৷ ঢালিগাঁৱৰ জইণ্ট এক্সন কমিটিৰ উদ্যোগত অনুষ্ঠিত এই শ্ৰদ্ধাঞ্জলি অনুষ্ঠানত প্ৰয়াত ভূতপূৰ্ব মুখ্যমন্ত্ৰী গৰাকীৰ বিদেহী আত্মাৰ শান্তিৰ বাবে মমবাতি প্ৰজ্বলন কৰাৰ উপৰিও এখনি শোকসভা অনুষ্ঠিত কৰা হয় ৷ শতাধিক লোকৰ উপস্থিতিত জইণ্ট এক্মন কমিটিৰ সকলো বিষয়ববীয়াসকলে প্ৰয়াত ভূতপূৰ্ব মুখ্যমন্ত্ৰী গৰাকীৰ পৰিয়ালবৰ্গলৈ সমবেদনা জ্ঞাপন কৰে ৷
উল্লেখ্য যে, বিগত 23 নৱেম্বৰত বিয়লি 5.34 বজাত জি এম চি এইচত শেষ নিশ্বাস ত্যাগ কৰিছিল ভূতপূৰ্ব মুখ্যমন্ত্ৰী গৰাকীয়ে ৷ ইয়াৰ পিছতে 26 নৱেম্বৰত নৱগ্ৰহত ৰাজ্যিক মৰ্যদাৰে তেখেতৰ শেষকৃত্য সম্পন্ন কৰা হয় ৷
লগতে পঢ়ক-পূৰ্বতকৈ তীব্ৰতৰ হ'ব CAA বিৰোধী আন্দোলনঃ শংকৰজ্যোতি বৰুৱা
