চিৰাঙত আৰক্ষীৰ অভিযানত গাঞ্জা সহ গ্ৰেপ্তাৰ সাত জন

চিৰাঙৰ ছাপাগুৰিত আৰক্ষীৰ অভিযান ৷ অভিযানত গাঞ্জাসহ গ্ৰেপ্তাৰ ৭ জন । লগতে জব্দ বৃহৎ পৰিমাণৰ গাঞ্জা ।

চিৰাং, 25 আগষ্টঃ চিৰাং আৰক্ষীৰ অভিযানত ঢালিগাঁও থানাৰ অন্তৰ্গত ছাপাগুৰীৰ পৰা দেওবাৰে নিশা প্ৰায় আঠ বজাত জব্দ বৃহৎ পৰিমাণৰ গাঞ্জা৷ তিনিখন মটৰ চাইকেলেৰে বাক্সা জিলাৰ বৰমাৰ পৰা চিৰাঙলৈ চাৰিটা বস্তাত কঢ়িয়াই নিছিল এশ কেজিৰো অধিক গাঞ্জা । গাঞ্জাৰ সৈতে গ্ৰেপ্তাৰ লোক কেইজন ক্ৰমে জৌংসাৰ ৱেৰী,দৈমালু ব্ৰহ্ম, কনকলাল ব্ৰহ্ম, ডেভিড বসুমতাৰী, সৌমখৌৰ ব্ৰহ্ম,আকাশ বসুমতাৰী আৰু ধনঞ্জয় ব্ৰহ্ম । গাঞ্জা কঢ়িওৱাত ব্যৱহৃত মটৰচাইকেল তিনিখন ক্ৰমে AS১৯H-৪৪৯৭, AS১৯F-২৩৯৬, AS০১DJ-৪৮৯ ৷

জিলা সদৰ উপ আৰক্ষী অধীক্ষক প্ৰতাপ দাস,ৰুনিখাতা চক্ৰ আৰক্ষী বিষয়া ৰুস্তমৰাজ ব্ৰহ্ম,চিদলী থানাৰ ভাৰপ্ৰাপ্ত বিষয়া ঋতুজ্যোতি নাথে চলোৱা যৌথ অভিযানত গাঞ্জা সৰবৰাহকাৰী এই চক্ৰটোক আটক কৰিবলৈ সক্ষম হয় । সম্প্ৰতি ঘটনা সন্দৰ্ভত আৰক্ষীয়ে অব্যাহত ৰাখিছে তদন্ত৷