চিৰাং, 8 নৱেম্বৰ: চিৰাঙৰ ভাৰত-ভূটান সীমান্তত গ্ৰেপ্তাৰ নিষিদ্ধ ঘোষিত এন ডি এফ বি (এছ) ৰ সদস্য ৷ সেনা-আৰক্ষীৰ অভিযানত মাৰণাস্ত্ৰ সহ গ্ৰেপ্তাৰ এন ডি এফ বি (এছ)ৰ সদস্যজন । চিৰাঙত সেনা,আৰক্ষী আৰু এছ এছ বিৰ যুটিয়া অভিযানত জিলাখনৰ আমগুৰি থানাৰ অন্তৰ্গত ভাৰত-ভূটান সীমান্তৰ সুকান টাক্লাইৰ পৰা ফিলিমন নাৰ্জাৰী নামৰ এজন এন ডি এফ বি (এছ)ৰ সদস্যজনক মাৰণাস্ত্ৰ সহ গ্ৰেপ্তাৰ কৰিবলৈ সক্ষম হয় ।
গ্ৰেপ্তাৰ হোৱা উগ্ৰপন্থী সদস্যজনৰ ঘৰ আমগুৰিত। সদস্যজনৰ পৰা এটা পিস্তল সহ দুটাকৈ বন্দুক উদ্ধাৰ কৰে অভিযানকাৰী দলটোৱে । জিলাখনত নিয়োজিত হৈ থকা নিৰাপত্তা বাহিনীয়ে এক উচ্চ পৰ্যায়ৰ তথ্যৰ ভিত্তিত কটকটীয়া নিৰাপত্তা ব্যৱস্থা গঢ়ি তুলিছিল সীমান্ত অঞ্চলত । উগ্ৰপন্থী সংগঠন এন ডি এফ বি এছ)য়ে অস্ত্ৰ সৰবৰাহ কৰাৰ তথ্য লাভ কৰিছিল সেনাই ৷ উগ্ৰপন্থী সংগঠন এন ডি এফ বি (এছ)ৰ ঘাটি হিচাপে পৰিণত চিৰাং জিলাৰ পৰা সংগঠনটোক প্ৰতিনিধিত্ব কৰিছে সভাপতি বি ছাউৰাইগ্ৰা আৰু সম্পাদক বি আৰ ফেৰেংগাই ।
